Skip to main content

انوار الحق کاکڑ کا سینیٹ رکنیت سے استعفیٰ دینے کا فیصلہ

اتوار 13 اگست 2023 19:45

اسلام آباد (اُردو پوائنٹ اخبارتازہ ترین - این این آئی۔ 13 اگست2023ء) نگراں وزیراعظم انوار الحق کاکڑ نے پارلیمان کے ایوان بالا کی رکنیت سے استعفیٰ دینے کا فیصلہ کرلیا ہے۔نجی ٹی وی سے گفتگو میں انوار الحق کاکڑ نے سینیٹ رکنیت سے مستعفی ہونے کے فیصلے کی تصدیق کی۔

(جاری ہے)

انہوں نے کہا کہ وہ بلوچستان عوامی پارٹی (بی اے پی)کی رکنیت سے بھی استعفیٰ دے دیں گے۔یاد رہے کہ انوار الحق کاکڑ ملک کے آٹھویں نگراں وزیر اعظم کے عہدے کا حلف (آج) پیر کو اٹھائیں گے۔ان سے قبل اس عہدے پر رہنے والوں میں غلام مصطفی جتوئی، بلخ شیر مزاری، معین الدین حیدر، معراج خالد، محمد میاں سومرو، میر ہزار خان کھوسو اور جسٹس ناصر الملک شامل ہیں۔

Facebook Twitter Google + Share on Whatsapp

متعلقہ عنوان :