اسلامیہ یونیورسٹی بہاولپور کی جانب سے معروف سرائیکی شاعر شاکر شجاع آبادی کو ڈاکٹریٹ کی اعزازی ڈگری دیدی گئی

پیر 13 نومبر 2023 11:25

راجن پور (اُردو پوائنٹ اخبارتازہ ترین - این این آئی۔ 13 نومبر2023ء) اسلامیہ یونیورسٹی بہاولپور کی جانب سے معروف سرائیکی شاعر شاکر شجاع آبادی کو انکی شاندار ادبی خدمات پر ڈاکٹریٹ کی اعزازی ڈگری دے دی گئی ہے گورنر پنجاب بلیغ الرحمن نے انہیں اعزازی ڈگری سے نوازا اب وہ ڈاکٹر محمد شفیع شاکر شجاع آبادی کہلائیں گے۔

(جاری ہے)

ادبی و فکری تنظیم آواز دوست پاکستان اور میڈیا کلب کے سیکرٹری جنرل مشتاق رضوی نے سرائیکی وسیب کے ممتاز شاعر کو اس اعزاز پر عمیقِ قلب سے مبارکباد پیش کرتے ہوئے دعا کی ہے کہ اللہ تعالیٰ ڈاکٹر شاکر صاحب کو صحت و عافیت سے نوازے آمین. دریں اثنائ ڈاکٹر شاکر شجاع آبادی نے ایک سوال کے جواب میں کہا کہ زندگی میں اتنے دکھ دیکھے ، معذور بھی ہیں، بول بھی ٹھیک سے نہیں سکتے، غربت بھی کاٹی، کیا اِسکا غم ہے آپکو تو شاکر صاحب بولی:اِتھاں جو بھوگ بھوگے ہِناٴْتھاں کوئی تاں جزا مِلسی تھکیڑے سارے لہہ ویسن نبی مِلسی خدا مِلسی