Live Updates

عمران خان کی عدالت میں پیشی کیلئے (آج) سیکیورٹی پلان کو حتمی شکل دی جائے گی، سماعت (کل) ہوگی

اتوار 26 نومبر 2023 13:25

اسلام آباد(اُردو پوائنٹ اخبارتازہ ترین - این این آئی۔ 26 نومبر2023ء) چیئرمین پاکستان تحریک انصاف عمران خان کو خصوصی عدالت میں سائفر کیس کی سماعت کیلئے منگل (28 نومبر)کو جوڈیشل کمپلیکس لایا جائے گا، ان کے لیے سیکیورٹی پلان کو حتمی شکل دینے کے لیے پولیس، انتظامیہ اور دیگر متعلقہ محکمے (آج)پیر کو اجلاس کریں گے۔میڈیا رپورٹ کے مطابق اس سے قبل خصوصی عدالت (آفیشل سیکرٹ ایکٹ)نے چیئرمین پی ٹی آئی عمران خان اور وائس چیئرمین شاہ محمود قریشی کو 28 نومبر کے لیے طلبی کے سمن جاری کیے تھے۔

انہوں نے کہا کہ عمران خان کی پیشی کے دوران امن و امان کی صورتحال کنٹرول میں رہنے کی توقع ہے کیونکہ پی ٹی آئی کی زیادہ تر قیادت گرفتاری سے بچنے کے لیے روپوش ہوچکی ہے یا پارٹی چھوڑکر چلی گئی ہے تاہم پولیس کی اسپیشل برانچ اور متعلقہ دیگر محکموں نے خفیہ اطلاعات جمع کرنا شروع کر دی ہیں جو ان کی حفاظتی منصوبہ بندی میں مدد کریں گی۔

(جاری ہے)

انہوں نے بتایا کہ عمران خان کو جوڈیشل کمپلیکس تک لانے کے لیے 3 راستے ہیں، ایک پشاور روڈ، دوسرا اسلام آباد ایکسپریس وے اور تیسرا راستہ مری روڈ ہے۔

ذرائع نے بتایا کہ عمران خان کو جیل سے جوڈیشل کمپلیکس تک لے جانے کے لیے ترجیحی انتخاب پشاور روڈ ہوگا۔انہوں نے کہا کہ منگل کو ریڈ زون کو جزوی طور پر سیل کرنے کا امکان ہے، علاوہ ازیں ریڈ زون اور اس کے اطراف میں اہم تنصیبات ذرائع نے بتایا کہ جوڈیشل کمپلیکس کو پولیس اور نیم فوجی دستے گھیرے میں لے لیں گے، علاوہ ازیں جوڈیشل کمپلیکس کی طرف جانے والے پوائنٹس اور سڑکوں کو سیل کیے جانے کا امکان ہے۔انہوں نے کہا کہ دارالحکومت کے اہم مقامات مثلا فیض آباد، زیرو پوائنٹ، سری نگر ہائی وے اور ریڈ زون کے قریب دستے بھی تعینات کیے جانے کا امکان ہے۔