خیبرپختونخوا میں ہماری مہم شروع ہوگئی ہے ، ایک ہی دن میں ایک سیاسی جماعت کو جلسے کی اجازت ہوتی ، علی محمد خان

الیکشن کمیشن کہاں ہے اس کا نوٹس کیوںنہیں لے رہا ، ایسے صورت میں ملک میں شفاف انتخابات کیسے ممکن ہیں ، سینئر رہنما پاکستان تحریک انصاف

اتوار 26 نومبر 2023 21:15

خیبرپختونخوا میں ہماری مہم شروع ہوگئی ہے ، ایک ہی دن میں ایک سیاسی جماعت ..

اسلام آباد(اُردو پوائنٹ اخبارتازہ ترین - آن لائن۔ 26 نومبر2023ء) پاکستان تحریک انصاف کے سینئر رہنما علی محمد خان نے کہا ہے کہ خیبرپختونخوا میں ہماری مہم شروع ہوگئی ہے ، ایک ہی دن میں ایک سیاسی جماعت کو جلسے کی اجازت ہوتی ہے دوسری کو نہیں ، الیکشن کمیشن کہاں ہے اس کا نوٹس کیوںنہیں لے رہا ۔ میڈیا سے گفتگو کرتے ہوئے علی محمد خان نے کہا کہ ملک میں اس وقت کسی بھی صورت صا ف و شفاف انتخابات کا ماحول نظر نہیں آرہا دوسری جماعتوں کو جلسے کی اجازت ہے مگر تحریک انصاف کو نہیں یہ دوہرا معیار کیوں خیبرپختونخوا میں ایک پارٹی کو جلسے کی اجازت دے دی جاتی ہے دوسری کو نہیں ایسی صورت میں الیکشن شفاف کیسے ہونگے ۔

انہوں نے کہا کہ چیئرمین پی ٹی آئی نے کہا تھا فوج بھی میری ہے ملک بھی میرا ہے ملک کیلئے خود سے زیادہ فوج اہم ہے ہم ہمیشہ اپنے ادارے اوراپنے شہداء کے ساتھ کھڑے رہے ہیں ۔

(جاری ہے)

جو مئی کو ہوا غلط ہوا، وہ تحریک انصاف کی پالیسی نہیں تھی۔ انہوں نے کہا کہ 9 مئی جس نے کیا وہ غلط کیا۔ہماری سینئر قیادت اب نکل رہی ہے کچھ لوگ ابھی اور کچھ الیکشن شیڈول آنے کے بعد الیکشن مہم کیلئے نکلیں گے کچھ لوگ الیکشن مہم کیلئے ابھی اس لئے نہیں نکل رہے کہ گرفتار نہ ہو جائیںتحریک انصاف اس پوزیشن میں ہے کہ زیادہ تر سیٹوں پر اپنے امیدوار کھڑے کر سکے 90فیصد سے زیادہ سیٹوں پر ہم اپنے امیدوار کھڑے کریں گے پنجاب میں بھی ہم جلد الیکشن مہم شروع کریں گے انہوں نے کہا کہ لاہور میں نواز شریف کا جلسہ ہوا، اسی دن ہمارے ورکر کنونشن پر کریک ڈائون ہوا