نگران وزیراعظم انوارالحق اور بل گیٹس کے درمیان ٹیلی فونک رابطہ

دونوں کے درمیان پولیو کے خاتمے کیلئے جاری کوششوں پر تبادلہ خیال، نگران وزیراعظم اور بل گیٹس نے یواین جنرل اسمبلی اجلاس کے موقع پر ملاقات کا ذکر کیا، دونوں میں غذاتی قلت اور میٹرنل ہیلتھ پر بھی گفتگو ہوئی

ثنااللہ ناگرہ منگل 28 نومبر 2023 22:14

نگران وزیراعظم انوارالحق اور بل گیٹس کے درمیان ٹیلی فونک رابطہ

اسلام آباد (اردوپوائنٹ اخبارتازہ ترین ۔ 28 نومبر 2023ء) نگران وزیراعظم انوارالحق اور بل گیٹس کے درمیان ٹیلی فونک رابطے میں پولیو کے خاتمے کیلئے جاری کوششوں پر تبادلہ خیال ہوا ہے۔ تفصیلات کے مطابق نگران وزیراعظم انوارالحق اور بل گیٹس کے درمیان ٹیلی فونک رابطہ ہوا ہے، نگران وزیراعظم انوارالحق کاکڑ کو آج شام بل گیٹس کی ٹیلیفون کال موصول ہوئی، پاکستان میں پولیو کے خاتمے کیلئے جاری کوششوں میں پیشرفت پر تبادلہ خیال ہوا۔

یاد رہے وزیراعظم انوارالحق کاکڑ اس وقت متحدہ عرب امارات کے دورے پر ہیں، نگران وزیراعظم انوارالحق اور بل گیٹس نے اقوام متحدہ میں جنرل اسمبلی اجلاس کے موقع پر ہوئی ملاقات کا ذکر کیا۔ وزیراعظم نے پاکستان کو پولیوسے محفوظ بنانے کی بل گیٹس فاؤنڈیشن کے تعاون کو سراہا۔

(جاری ہے)

وزیراعظم نے ملک کو پولیو وائرس سے نجات دلانے کیلئے پاکستان کے غیرمتزلزل عزم کا اعادہ کیا۔

وزیراعظم نے بل گیٹس کو پاکستان میں جاری پولیو ویکسی نیشن مہم کے بارے میں آگاہ کیا۔ نگران وزیراعظم انوارالحق اور بل گیٹس کے درمیان غذاتی قلت کے مسائل اور میٹرنل ہیلتھ پر بھی گفتگو ہوئی۔وزیراعظم نے حکومت اور بی ایم جی ایف کے درمیان بہترین تعاون پر اطمینان کا اظہار کیا۔ نگران وزیراعظم انوارالحق نے کہا کہ حکومت پاکستان ایک صحت مند اور محفوظ ملک کیلئے پرعزم ہے۔

مزید بر آں غذائی قلت کے مسائل اور ماں و بچہ کی صحت کے موضوعات پر بھی گفتگو ہوئی۔ وزیراعظم نے حکومت اور بی ایم جی ایف کے درمیان بہترین تعاون پر اطمینان کا اظہار کیا۔ وزیر اعظم نے کہا کہ حکومت پاکستان ایک صحت مند اور محفوظ پاکستان کے لئے پرعزم ہے اور اس کوشش میں بی ایم جی ایف جیسے قابل اعتماد شراکت دار مدد گار ثابت ہو سکتے ہیں۔