بلاول اپنا سیاسی قد بڑھانے کیلئے تنقید کر رہے ہیں نواز شریف کا مقابلہ نہیں کر سکتے : طلال چوہدری

پیر 4 دسمبر 2023 22:42

اسلام آباد (اُردو پوائنٹ اخبارتازہ ترین - آن لائن۔ 04 دسمبر2023ء) پاکستان مسلم لیگ ن کے رہنما طلال چوہدری نے کہا ہے کہ چیئرمین پی پی بلاول بھٹو زرداری اپنا سیاسی قد بڑھانے کے لیے دوسروں پر تنقید کر رہے ہیں۔ پیپلز پارٹی نے جو کیا بھٹو کے دور میں کیا۔ نجی ٹی وی سیگفتگو کرتے ہوے انہوں نے کہا کہ بلاول بھٹو نواز شریف کا مقابلہ نہیں کر سکتے۔ پیپلز پارٹی نے جو کیا وہ صرف بھٹو کے دور میں کیا۔

(جاری ہے)

انہوں نے کہا کہ نواز شریف نے پہلے بھی ناممکن کو ممکن بنایا۔ انہوں نے کہا کہ ہم کسی کو سیاسی طور پر نشانہ نہیں بنا رہے، نواز شریف نے تمام پارٹیوں کو اختلافات کے باوجود ایک میز پر بٹھایا۔ انہوں نے پی ٹی آئی کو تنقید کا نشانہ بناتے ہوے کہا کہ انٹرا پارٹی الیکشن میں سابق چیئرمین پی ٹی آئی کو کوئی وفادار ساتھی یاد نہیں آیا، الیکشن میں پی ٹی آئی کے ٹکٹوں کو کوئی نہیں مانے گا۔