میں نے ٹکٹ کے لئے کبھی کسی کی سفارش نہیں کی‘ دانیال عزیز

پارٹی سمجھتی ہے جو جیت سکتا ہے، اسے ٹکٹ دیں، میرا کوئی اختلاف نہیں

پیر 4 دسمبر 2023 23:33

میں نے ٹکٹ کے لئے کبھی کسی کی سفارش نہیں کی‘ دانیال عزیز

لاہور (اُردو پوائنٹ اخبارتازہ ترین - این این آئی۔ 04 دسمبر2023ء) مسلم لیگ (ن) کے سینئر رہنما وسابق وفاقی وزیر دانیال عزیز نے کہا ہے کہ رانا ثنا اللہ کا احترام کرتا ہوں، میں نے کبھی کسی کی ٹکٹ کے لئے سفارش نہیں کی۔نجی ٹی سے گفتگو کرتے ہوئے دانیال عزیز نے کہا کہ پارٹی سمجھتی ہے کہ جو جیت سکتا ہے، اسے ٹکٹ دیں، میرا کوئی اختلاف نہیں، پارٹی کی سیٹ ضائع کرنی ہے تو ان کی مرضی ہے۔

(جاری ہے)

انہوں نے کہا کہ اصل مسئلہ ملک میں مہنگائی ہے، میں نے پارٹی میں ہر سطح پر مہنگائی سے متعلق مسئلہ اٹھایا، پارٹی کے اندر پیٹ پیٹ کر سولہ ماہ کہتا رہا مہنگائی کو کم کریں، ابھی بھی کہتا ہوں معاملات اچھے انداز سے چلائے جائیں۔دانیال عزیز نے مزید کہا کہ خواجہ سعد رفیق اور خرم دستگیر نے کہا جو بات پارٹی کے اندر ہے اندر ہی ہونی چاہیے تھی۔ میں تو پارٹی کے اندر ان معاملات پر 5 سال سے بات چیت کرتا رہا ہوں۔ن لیگی رہنما نے یہ بھی کہا کہ پی ٹی آئی کی حکومت نے پاکستان کی معیشت کو تباہ و برباد کردیا، ابھی بھی یہی کہتا ہوں معاملہ اچھے انداز میں چلائیں، رانا ثنا اللہ شاید اس بات سے واقف نہیں تھے۔