ماحولیاتی تبدیلی کی آگ سب سے پہلے محسوس ہوگی کیونکہ ہم صف اول پر ہیں،شیری رحما ن

جمعہ 8 دسمبر 2023 23:18

اسلام آباد(اُردو پوائنٹ اخبارتازہ ترین - آن لائن۔ 08 دسمبر2023ء) پاکستان پیپلز پارٹی کی نائب صدر سینیٹر شیری رحمان نے دبئی میں پاکستان پویلین میں کلائمیٹ جسٹس پر ایک سیشن سے خطاب کرتے ہوئے کہا ہے کہ پاکستان نے موسمیاتی تبدیلی سے متعلق تقریباً 23 بین الاقوامی معاہدوں پر دستخط کیے ہیں،ہر کاپ ایک تاریخی کانفرس ہوتی ہے لیکن اب ہمیں و یاد رکھنا چاہیے آدھی سے زائد دنیا کو پیچھے چھوڑا جا رہا ہے،وقت گزرنے کے ساتھ ولربلٹی انڈیکس میں مسلسل اضافہ ہو رہا ہے، بڑھتی درجہ حرارت سب سے پہلے کمزور کمیونٹیز کو نقصان پہنچائے گی، شیری رحمانن نے کہا کہ ہم اب بھی 2022 کے تاریخی سیلاب کے بعد بحالی کے فیز میں ہیں،33 ملین افراد ایک غیر تصوراتی سیلاب سے متاثر ہوئے،افریقہ کی طرح ہم بھی بڑے اخراج کرنے والے ممالک میں شامل نہیں ہیں،ممالک کو اپنی آلودگی کے اخراج کو کم کرنے کی ذمہ داری قبول کرنی چاہیے ماحولیاتی تبدیلی کی آگ سب سے پہلے محسوس ہوگی کیونکہ ہم صف اول پر ہیں،کیا دنیا بھر میں 2022 کی گرمیوں اور دیگر ماحولیاتی اثرات نے دنیا کو سبق نہیں سکھایا کلائمیٹ فنانس ماحولیاتی تبدیلی سے متاثرہ ممالک اور لوگوں کے لیے بروقت دستیاب ہونا چاہیے،تقریب میں جسٹس سید منصور علی شاہ، جسٹس جواد حسن اور یو این ای پی کی ایگزیکٹو ڈائریکٹر انگر اینڈرسن بھی شریک تھے۔