ًہماری جماعت کی اولین ترجیحات میں انسانی حقوق کا تحفظ و فروغ شامل ہے،بلاول بھٹو زرداری

اتوار 10 دسمبر 2023 20:00

کراچی(اُردو پوائنٹ اخبارتازہ ترین - آن لائن۔ 10 دسمبر2023ء) پاکستان پیپلز پارٹی کے چیئرمین بلاول بھٹو زرداری نے کہا ہے کہ ان جماعت کی اولین ترجیحات میں انسانی حقوق کا تحفظ و فروغ شامل ہے،آئندہ عام انتخابات کے لیے بھی ہمارا منشور ایسی ہی ترجیحات کا مظہر ہوگا۔ پی پی پی کے چیئرمین نے انسانی حقوق کے عالمی دن پر جاری اپنے پیغام میں کہا کہ قائد عوام شہید ذوالفقار علی بھٹو نے قوم کو دیئے آئین کے ذریعے تمام شہریوں خواہ وہ مسلم ہوں یا غیر مسلم، کو یکساں آزادیاں و حقوق دے کر انسانی حقوق کے تحفظ کو یقینی بنایا۔

چیئرمین بلاول بھٹو زرداری نے کہا کہ سندھ میں پاکستان پیپلز پارٹی کی سابقہ عوامی حکومت نے انسانی حقوق کی ایک جامع پالیسی منظور کی، جس کا مقصد اس بات کو یقینی بنانا ہے کہ صوبائی حکومت کا ہر حصہ تمام شہریوں کے انسانی حقوق کے تحفظ اور فروغ کے لیے اپنا کردار ادا کرے۔

(جاری ہے)

انہوں نے کہا کہ سندھ میں سابقہ عوامی حکومت نے انسانی حقوق کے حوالے سے ایسے بین الاقوامی معاہدوں پر عمل درآمد کے لیے محکمہ انسانی حقوق کے تحت ٹریٹی امپلیمینٹیشن سیل (ٹی آئی سی) قائم کیا اور مضبوط بنایا، جن کی حکومتِ پاکستان نے توثیق کی تھی۔

انہوں نے مزید کہا کہ سندھ کی عوامی حکومت نے انسانی حقوق کی خلاف ورزیوں کے شکار غریب متاثرین کو مفت قانونی معاونت کے لیے اقدامات کیے ہیں۔ چیئرمین پاکستان پیپلز پارٹی نے کہاکہ ملک میں تمام شہریوں بالخصوص اقلیتوں کو مساوی حقوق حاصل ہیں اور انسانی حقوق کی خلاف ورزیوں کو روکنے کے لیے طریقہ کار موجود ہے،پاکستان پیپلز پارٹی انسانی حقوق کے تحفظ کے لیے پرعزم ہے، خواتین، بچوں یا معاشرے کے کمزور طبقات کے خلاف مظالم کو کسی صورت برداشت نہیں کیا جائے گا۔

بلاول بھٹو زرداری نے کہا کہ مقبوضہ کشمیر اور فلسطین میں مسلسل جاری انسانی حقوق کی سنگین پامالی عالمی امن کے لیے خطرہ اور انسانیت کی توہین ہے۔انہوں نے کہا کہ عالمی برادری کو مقبوضہ کشمیر اور غزہ میں جاری جارحیت کا بلاتاخیر نوٹس لینا ہوگا۔چیئرمین پیپلز پارٹی نے اس عزم کا اعادہ کیا کہ ان کی پارٹی اپنے بانی چیئرمین قائدِ عوام شہید ذوالفقار علی بھٹو اور شہید بینظیر بھٹو کے ویڑن کے مطابق انسانی حقوق کے لیے جدوجہد جاری رکھے گی۔انہوں نے کہا کہ ہم نے ملک میں انسانی حقوق پر کام کرنے کے لیے پارٹی کا انسانی حقوق سیل قائم کیا ہی