پرویزالٰہی و دیگر کے کاغذات مسترد کرنے کے فیصلے کی مصدقہ نقول نہ دینے کا اقدام لاہور ہائی کورٹ میں چیلنج

پیر 1 جنوری 2024 17:41

لاہور(اُردو پوائنٹ اخبارتازہ ترین - این این آئی۔ 01 جنوری2024ء) سابق وزیراعلی پنجاب اور پاکستان تحریک انصاف کے رہنما چوہدری پرویز الٰہی، ان کے صاحبزادے مونس الٰہی اور ان کی اہلیہ قیصرہ الٰہی نے کاغذات نامزدگی مسترد ہونے کے فیصلوں کی مصدقہ نقول نہ دینے کا اقدام لاہور ہائی کورٹ میں چیلنج کر دیا۔

(جاری ہے)

میڈیا کے مطابق درخواستیں پرویز الہی سمیت دیگر کی جانب سے دائر کی گئی ہیں، جس میں مقف اپنایا گیا ہے کہ قومی اسمبلی کے حلقے این اے 64 گجرات اور این اے 69 منڈی بہاوالدین سے کاغذات نامزدگی مسترد کیے گئے، جبکہ صوبائی اسمبلی کے حلقوں پی پی 32، 34 اور 42 سے بھی کاغذات نامزدگی مسترد کیے گئے۔

درخواست میں کہا گیا کہ ریٹرننگ افسران فیصلوں کی مصدقہ نقول فراہم نہیں کر رہے، مصدقہ نقول نہ ملنے سے فیصلوں کے خلاف اپیل دائر نہیں ہو سکتی۔کہا گیا کہ الیکشن ایپلیٹ ٹریبولز میں اپیلیں دائر کرنے کا آخری روز 3 جنوری ہے، عدالت ریٹرننگ افسران کو مصدقہ نقول فراہم کرنے کا حکم دے۔