ملک کے بیشتر علاقوں میں بارش اور بالائی علاقوں میں پہاڑوں پر برفباری کا امکان

ہفتہ 3 فروری 2024 22:15

اسلام آباد(اُردو پوائنٹ اخبارتازہ ترین - آن لائن۔ 03 فروری2024ء) ملک کے بیشتر علاقوں میں تیز ہوائوں اور گرج چمک کے ساتھ بارش اور بالائی علاقوں میں پہاڑوں پر برفباری کا امکان ہے، اسلام آباد اور گر دو نواح میں موسم سرد اور مطلع ابر آلودرہے گا،تیز ہوائوں اور گرج چمک کے ساتھ بارش کا امکان ہے جبکہ چند مقامات پر ژالہ باری بھی ہوگی ،خیبرپختونخوا چترال، دیر، سوات، کوہستان ، مالاکنڈ ، ایبٹ آباد،بالاکوٹ، مانسہرہ ، پشاور،نوشہرہ،صوابی ،بونیر، بنوں، ڈی آئی خان میں تیز ہوائوں اور گرج چمک کے ساتھ بارش کا امکان ہے، راولپنڈی، جہلم، اٹک، چکوال، سیالکوٹ، گوجرانوالہ، لاہور، فیصل آباد، ساہیوال ، اوکاڑہ میں۔

بارش کی پیشگوئی کی گئی ہے،میانوالی،سرگودھا ، بھکر، لیہ، ملتان، بہاولپور، بہاولنگر، ڈیرہ غازی خان ، خان پور اور رحیم یار خان میں تیز ہوائوں اور گرج چمک کے ساتھ بارش کا امکان ہے ،بلوچستان نوکنڈی، دالبندین، چاغی، قلات، خضدار، لسبیلہ، آواران، تربت، کیچ، گوادر، جیوانی، پسنی، اورماڑہ، پنجگور، خاران، نوشکی، واشک، مستونگ، سبی، نصیر آباد، ڑوب، شیرانی، بارکھان، موسیٰ خیل، کوہلو، جھل مگسی، لورالائی، زیارت، ، کوئٹہ، چمن، پشین، قلعہ عبداللہ اور قلعہ سیف اللہ میں تیز ہوائوں اور گرج چمک کے ساتھ بارش کا امکان ہے، پہاڑوں پر برفباری کا امکان۔

(جاری ہے)

اس دوران چند مقامات پر موسلادھار بارش/برفباری متوقع ہے، کراچی،حیدر آباد، ٹھٹہ، بدین، سکھر، لاڑکانہ، دادو، میرپورخاص ، سانگھڑ، تھرپارکر،شہید بینظیر آباد، جیکب آباد اور کشمور میں تیز ہوائوں اور گرج چمک کے ساتھ بارش کا امکان ہے، کشمیر اور گلگت بلتستان میں مطلع ابر آلود رہنے کے علاوہ تیز ہوائوں اور گرج چمک کے ساتھ بارش اور پہاڑوں پر برفباری کا امکان ہے۔