ملک کے بالائی علاقوں میں تیز ہواؤں اور گرج چمک کے ساتھ مزید بارش اور پہاڑوں پربرف باری کا امکان ہے، محکمہ موسمیات

پیر 19 فروری 2024 22:36

اسلام آباد (اُردو پوائنٹ اخبارتازہ ترین - اے پی پی۔ 19 فروری2024ء) ملک کے بالائی علاقوں میں تیز ہواؤں اور گرج چمک کے ساتھ مزید بارش اور پہاڑوں پربرف باری کا امکان ہے، مری، گلیات، ناران، کاغان، دیر، سوات، شانگلہ، مانسہرہ، ایبٹ آباد، کوہستان، استور، ہنزہ، دیامیر،اسکردو، وادی نیلم، باغ، پونچھ اور حویلیاں میں تیز بارش اوربرف باری سے سڑکیں بند اور گاڑیوں کی آمد ورفت میں خلل آنے جبکہ بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ ہے۔

محکمہ موسمیات کے مطابق (آج) منگل کوکشمیر ، گلگت بلتستان، خطہ پوٹھوہاراور اسلام آباد میں تیز ہواؤں اور گرج چمک کے ساتھ مزیدبارش اور پہاڑوں پربرف باری کا امکان ہے۔گذشتہ 24 گھنٹوں کے دوران خیبر پختونخوا ،کشمیر،اسلام آباد،شمال مشرقی پنجاب ، گلگت بلتستان اور شمالی بلوچستان میں تیز ہواؤں اور گرج چمک کے ساتھ بارش اور پہاڑوں پر برف باری ہوئی۔

(جاری ہے)

ملک کے دیگر علاقوں میں موسم سرد اور خشک رہا۔سب سے زیادہ بارش خیبرپختونخوا میں چراٹ 107،دیر (اپر 92، لوئر24)، سیدو شریف 83، کالام 82، پٹن 79، باچا خان (ایئر پورٹ 64، مالم جبہ 63، پشاور (سٹی 61، ایئر پورٹ 55)، دروش 58، تخت بائی، بالاکوٹ56، پاراچنار 55،میرکھانی 51،چترال 44، کاکول 37،بنوں 14 کشمیر میں راولاکوٹ 92،گڑھی دوپٹہ 76، مظفرآباد(ایئر پورٹ54 ، سٹی 45)، کوٹلی 39، پنجاب میں مری 49، راولپنڈی (شمس آباد 34،کچہری ،28 چکلالہ 25)، اسلام آباد (زیرو پوائنٹ، ایئر پورٹ31، گولڑہ 30،سید پور 29، بوکرہ 19)، اٹک 15، جہلم 14، منڈی بہاؤالدین، منگلہ 10 ،سیالکوٹ (ایئر پورٹ 09، سٹی05) ،چکوال 06،گوجرانوالہ 04، گجرات 03، حافظ آباد 02، جوہر آباد، فیصل آباد، شیخوپورہ 01، گلگت بلتستان میں اسکردو20،استور 13، چلاس 11، بونجی 05، بگروٹ، گوپس 04، گلگت 02 ،بلوچستان میں ژوب 06 اورکوئٹہ 01 میں ملی میٹر بارش ریکارڈ ہوئی۔

اس دوران مختلف علاقوں میں برفباری بھی ہوئی، کالام میں 38، مالم جبہ 23،دروش 14،چترال 7.3،میرکھانی 4.5 ،دیر (اپر)3.3،اسکردو 2.9، کوٹلی 01 اور زیارت میں 0.5 انچ برف باری ریکارڈ ہوئی۔ ملک میں کم سے کم درجہ حرارت کا لام منفی 05 ،مالم جبہ منفی04اور گوپس میں منفی 03 ڈگری سینٹی گریڈ ریکارڈ کیا گیا۔