بلاول بھٹو زرداری کاشہباز بھٹی کو ان کے یوم شہادت پر خراج عقیدت

شہباز بھٹی اقلیتوں کے حقوق کے غیر متزلزل حامی اور پاکستان پیپلز پارٹی کے ایک مخلص جیالے تھے،چیئرمین پیپلزپارٹی

جمعہ 1 مارچ 2024 22:50

کراچی(اُردو پوائنٹ اخبارتازہ ترین - این این آئی۔ 01 مارچ2024ء) پاکستان پیپلز پارٹی کے چیئرمین بلاول بھٹو زرداری نے شہید شہباز بھٹی کو ان کے یومِ شہادت پر خراج عقیدت پیش کرتے ہوئے کہا ہے کہ آج ہمارے اس عظیم جیالے کا 13واں یوم شہادت ہے جنہوں نے مذہبی رواداری، اقلیتوں کے حقوق اور پارٹی کے اصولوں کی پاسداری کی خاطر اپنی جان کا نذرانہ پیش کیا۔

(جاری ہے)

میڈیا سیل بلاول ہائوس کی جانب سے جاری کردہ پریس ریلیز کے مطابق، پاکستان پیپلز پارٹی چیئرمین نے کہا کہ شہید شہباز بھٹی اقلیتوں کے حقوق کے غیر متزلزل حامی اور پاکستان پیپلز پارٹی کے ایک مخلص جیالے تھے۔ چیئرمین بلاول بھٹو زرداری نے کہا کہ پاکستان پیپلز پارٹی اقلیتوں کے حقوق کے تحفظ، مذہبی ہم آہنگی کو فروغ دینے اور ایک ترقی پسند اور مساوات پر کھڑے معاشرے کے قیام کے لئے پرعزم ہے۔