کچھ شرپسند عناصر آئی ایم ایف کے ساتھ ڈیل کو سبوتاژ کرنا چاہتے ہیں، برانڈڈ جوتیاں اور برانڈڈ بیگ پہن کر پاکستان کے عوام کی امداد بند کرنے کے لئے احتجاج کرنے والوں کا پاکستان کی مٹی سے کوئی تعلق نہیں، عطاءاللہ تارڑ
جمعہ 15 مارچ 2024 23:11
(جاری ہے)
وزیراعظم کی صلاحیت، مالیاتی اداروں کے ساتھ مذاکرات، ملک کو ڈیفالٹ سے بچانے اور معیشت کو دوام دینے کی کاوشوں کا اعتراف پوری دنیا کر رہی ہے۔
وزیر خزانہ کو معاشی معاملات پر مکمل کمان حاصل ہے، وہ چاہتے ہیں کہ جلد از جلد ملک کے مسائل حل کئے جائیں۔ انہوں نے کہا کہ انتہائی افسوس سے کہنا پڑ رہا ہے کہ ایک ملک دشمن جماعت جس نے 9 مئی کو اداروں پر حملے کئے، شہداءکی یادگاروں کو مسمار کیا، اب آئی ایم ایف کے پروگرام کو سبوتاڑ کرنے پر تلی ہوئی ہے۔ سب کو پتہ ہونا چاہئے کہ سیاست بعد میں ملک پہلے ہے، ہم اس ملک سے ہیں، یہ ملک 27 ویں رمضان المبارک کو معرض وجو د میں آیا، یہ تاقیامت رہے گا، اس ملک نے ہمیں بہت سی نعمتوں سے نواز اہے۔ انہوں نے کہا کہ جن ریاستوں کو بیرونی یا اندرونی خطرات لاحق ہوئے، وہاں مذہب یا نسل کی بنیاد پر لوگوں کے حقوق کو سلب کیا گیا، اس کے برعکس ہم آزاد فضائوں میں سانس لے رہے ہیں۔ انہوں نے کہا کہ آئی ایم ایف مشن کے ساتھ خوشگوار ماحول میں بات چیت جاری ہے، سٹاک ایکس چینج میں بہتری آرہی ہے ، دوست ممالک کے سربراہان نے حکومت کا خیرمقدم کیا۔ ہم نے تو میثاق معیشت کی بات اس وقت کی جب ہم اپوزیشن میں تھے، ہم آج بھی اس بات پر قائم ہیں، عوام نے ہمیں ووٹ دیکر یہاں بھیجا ہے، ہم اپنے خون پسینے سے ملک کو سنواریں گے ۔ انہوں نے کہا کہ وزیراعظم نے ایف بی آر اصلاحات ، ٹیکس نیٹ بڑھانے، اخراجات کم کرنے کی بات کی ہے، بتایا جائے کہ وزیراعظم نے کون سی غلط بات کی ہے ؟ کس بات پر اختلاف ہے؟ انہوں نے کہاکہ بیرون ملک مقیم مٹھی بھر شر پسند عناصر نے مکروہ حرکت کرتے ہوئے امریکہ میں آئی ایم ایف عمارت کے سامنے مظاہرہ کیا ہے کہ پاکستان کو قرض نہ دیا جائے ، یہ لوگ خود تو باہر ٹیکس بھی دے رہے ہیں، ان کی سہولیات سے استفادہ حاصل کررہے ہیں۔ یہ ہی لوگ پاک فوج کے خلاف بھی مظاہرہ کرتے ہیں، آئی ایم ایف کو کہتے ہیں کہ ہمارے لیڈر کی رہائی کے ساتھ پاکستان کا قرض مشروط کیا جائے۔ انہوں نے کہا کہ سیاسی لیڈر کو جب ملک سے بڑا کر دیتے ہیں تو ملک دشمنی ہوجاتی ہے، ماضی میں ہماری قیادت نے جیلیں برداشت کیں، ہر روز عدالتوں میں پیش ہوئے لیکن اداروں پر حملے نہیں کئے۔ انہوں نے کہا کہ امریکی سازش کہنے والے آج امریکہ میں بیٹھ کر یہ کہہ رہے ہیں کہ پاکستان کو امداد نہ دی جائے۔ انہوں نے کہا کہ بانی پی ٹی آئی کی ایماءپر ملک دشمنی ہورہی ہے۔ وزیر اطلاعات عطاءاللہ تارڑ نے کہا کہ انشاءاللہ ملک دشمن عناصر کے عزائم کامیاب نہیں ہوں گے، پاکستان ترقی کرے گا، معیشت مستحکم ہوگی، شرح نمو، ایکسپورٹس میں اضافہ ہوگا، درست فیصلوں کے ثمرات بھی جلد نظر آنے شروع ہوجائیں گے۔ انہوں نے کہا کہ پاک فوج ہمارے دفاع پر مامور ہے،آئی ایم ایف کے باہر پاک فوج کے خلاف نعروں سے کچھ نہیں ہونے والا۔ انہوں نے کہا کہ پی ٹی آئی چاہتی ہے کہ ملک ڈیفالٹ کر جائے لیکن ہم ان کے عزائم پورا نہیں ہونے دیں گے۔ انہوں نے کہا کہ میری تمام محب وطن پاکستانیوں سے اپیل ہے کہ وہ پاکستان کے ساتھ کھڑے ہوں۔ایک سوال کے جواب میں انہوں نے کہا کہ اس ملک کی خاطر ہم نے یہ معاملہ طے کرنا ہوگا کہ سیاست بھی کریں، تنقید برائے اصلاح بھی کریں لیکن پاکستان کے اوپر کسی صورت آنچ نہیں آنی چاہیے۔ انہوں نے کہا کہ یہ لوگ نہ پاکستانی ہیں اور نہ پاکستان سے محبت کرنے والے ہیں۔ فیشن ایبل کرائوڈ اس بات پر تلا ہوا ہے کہ ہمارے قائد کو رہا کر دیں۔ ایک سوال کے جواب میں انہوں نے کہا کہ جن لوگوں نے معیشت کو نقصان پہنچانے کی کوشش کی ہے ان کی شناخت ضروری ہے، یہ معاملات غور طلب ہیں۔ ایک سوال کے جواب میں انہوں نے کہا کہ شوکت ترین کے خلاف ایف آئی اے سے پہلا نوٹس جاری ہوا تو وہ ملک چھوڑ گئے، دوسرے نوٹس پر انہوں نے اپنی بیٹی کو ایف آئی اے بھجوا دیا ، ہم بہنوں اور بیٹیوں کا بہت احترام کرتے ہیں۔ انہوں نے کہا کہ محمد اورنگزیب کراچی میں مقیم تھے، حبیب بینک کے صدر تھے، انکے بھائی ایڈووکیٹ جنرل پنجاب رہے، ان کے پاس پاکستانی شہریت موجود ہے۔ انہوں نے کہا کہ گذشتہ روز جے یو آئی ایف نے یوسف رضا گیلانی کو ووٹ دینے کا جو وعدہ کیا ہم اسکا احترام کرتے ہیں۔مزید اہم خبریں
-
روسی تیل کی تنصیبات پر یوکرینی حملے
-
پنجاب حکومت کی صحافیوں کیلئے نئی رہائشی سکیم کی خوشخبری‘ وزیراعلیٰ اعلان کریں گی
-
اسلامی ترقیاتی بینک نے پاکستان میں جاری منصوبوں کو جلد مکمل کرنے کی یقین دہانی کرادی
-
پاکستانی نوجوانوں میں غیر روایتی پیشے اپنانے کا بڑھتا ہوا رجحان
-
غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم
-
موبائل فونز کی درآمدات میں 180 فیصد اضافہ
-
وزیرداخلہ کانادرا سنٹر شملہ پہاڑی کا دورہ ،شہریوں نے شکایات کے انبار لگا دئیے
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.