Live Updates

عمران خان سے گزارش ہے مولا جٹ کی سیاست چھوڑیں جمہوری راستہ نکالیں

پاکستان کو، ادروں کو، قوم کو، اپنے آپ کو بھنور سے نکالیں، سابق وفاقی وزیر فیصل واوڈا

محمد علی ہفتہ 16 مارچ 2024 19:43

عمران خان سے گزارش ہے مولا جٹ کی سیاست چھوڑیں جمہوری راستہ نکالیں

کراچی (اُردو پوائنٹ اخبارتازہ ترین۔ 16 مارچ2024ء) سابق وفاقی وزیر فیصل واوڈا کا کہنا ہے کہ عمران خان سے گزارش ہے مولا جٹ کی سیاست چھوڑیں جمہوری راستہ نکالیں، پاکستان کو، ادروں کو، قوم کو، اپنے آپ کو بھنور سے نکالیں۔ تفصیلات کے مطابق سابق وفاقی وزیر فیصل واوڈا نے کہا ہے کہ رمضان کے بعد علی امین گنڈاپور کیلئے پریشانیاں شروع ہونگی۔ کراچی میں میڈیا سے گفتگو کرتے ہوئے فیصل واوڈا نے کہا کہ وزیراعلیٰ خیبرپختونخوا علی امین گنڈاپور مدت پوری نہیں کر پائیں گے۔

فیصل واوڈانے کہا کہ ہار جیت اللہ کے ہاتھ میں ہے، میں رکن قومی اسمبلی، وفاقی وزیر اور سینیٹر رہا ہوں، میں نے خود استعفیٰ دیا، کوئی استعفیٰ نہیں دلوا سکتا تھا۔انہوں نے کہا کہ میرے خیال سے یہ حکومت دو ڈھائی سال رہے گی، پاکستان کے انتخابات میں خرید و فروخت ہوتی ہے، میں نہیں کہہ سکتا کہ اس بار خرید و فروخت نہیں ہوگی۔

(جاری ہے)

سابق وفاقی وزیرنے کہا کہ بانی پی ٹی آئی چاند پر حکومت بنائیں تو بہتر ہے، بانی پی ٹی آئی کو سمجھایا ان کو سمجھ نہیں آیا، اب بھی سمجھ نہیں آ رہا۔

فیصل واوڈا نے کہا کہ تین عہدے جب مجھے کم عمری میں مل سکتے ہیں تو تجویز کنندہ اور تائید کنندہ بھی مل سکتے ہیں، الیکشن میں اس لیے حصہ نہیں لیا کیونکہ حکومت کی مدت اتنی نہیں ہے۔انہوں نے کہا کہ آج بھی بانی پی ٹی آئی سے گزارش ہوگی کہ مولا جٹ کی سیاست چھوڑیں جمہوری راستہ نکالیں، 9مئی میں ملوث ملزمان کو کسی صورت معاف نہیں کیا جائے گا۔فیصل واوڈا نے کہاکہ مجھے سچ بات کرنے پر پارٹی سے نکالا گیا تھا، میں پارٹی سے اس وقت نکلا جب پی ٹی آئی آسمان پر تھی، انہیں پتا ہونا چاہیے کہ میں نے اہل ہونے کے بعد استعفیٰ دیا تھا۔فیصل واوڈا نے کہا کہ میں آصف زرداری سے ہزار دفعہ ملاقات کروں گا، مریم نواز بزدار ٹو ہیں۔