آصفہ بھٹو کا رکن قومی اسمبلی منتخب ہونے پر کارکنوں کے نام اظہار تشکر کا پیغام

آصفہ بھٹو نے مزید لکھا کہ حلقہ این اے 207 سے کاغذات نامزدگی جمع کروانے سے لیکر حتمی نتائج سامنے آنے تک اپنے حلقے کے عوام، پیپلز پارٹی کے کارکنان، جیالوں، میڈیا وکرز اور پریس کی موجودگی اور حمایت پر ان کا شکریہ ادا کرنا چاہتی ہوں۔

(جاری ہے)

خیال رہے کہ شہید بے نظیر بھٹو کی صاحبزادی آصفہ بھٹو زرداری بلا مقابلہ حلقہ این اے207سے رکن قومی اسمبلی منتخب ہوگئیں۔

وہ پہلی بار ایوان میں عوام کی نمائندگی کریں گی۔الیکشن کمیشن کے مطابق مذکورہ نشست کیلئے آصفہ بھٹو سمیت 11 امیدواروں نے کاغذات نامزدگی جمع کرائے تھے۔ آر او شیر علی جمالی کے مطابق کہ 7 آزاد امیدواروں کے کاغذات نامزدگی مسترد ہوئے تھے جبکہ باقی 3 امیدواروں نے کاغذات نامزدگی واپس لئے تھے جس کے بعد آصفہ بھٹو زرداری این اے 207 سے بلا مقابلہ رکن قومی اسمبلی منتخب ہوگئی ہیں۔

آصفہ بھٹوزرداری کے رکن قومی اسمبلی منتخب ہونے پر وزیرداخلہ ضیاالحسن لنجار نے مبارکباد دیتے ہوئے کہا کہ آصفہ بھٹوزرداری کاپارلیمانی سیاست کاآغازجیالوں کےلئے باعث خوشی ہے، بے نظیر بھٹو کی رواداری،آصف زرداری کی بہادری آصفہ بھٹوکی شخصیت کاخاصہ ہے۔یاد رہے کہ یہ نشست صدر مملکت آصف علی زرداری کے صدر بننے سے خالی ہوئی تھی جس پر پیپلزپارٹی نے آصفہ بھٹو زرداری کو نامزد کیا تھا۔آصفہ بھٹو زرداری نے عام انتخابات میں اپنے بھائی بلاول بھٹو زرداری کی انتخابی مہم میں خوب بڑھ چڑھ کر حصہ لیاتھا وہ شہر شہر ریلیوں اور جلسوں سے خطاب کے علاوہ کارکنوں سے ملاقاتیں بھی کرتی رہیں تھیں۔