سائفر کیس:مقدمہ میں جو سیکشن لگائے گئے اور سزا سنائی گئیں سمجھ سے بالاتر ہیں.اسلام آباد ہائی کورٹ
ون سی پر سزا غفلت کی تو بنتی ہی نہیں‘یہ سول کیس ہے اگر ایک سال سزا بھی ہو تو بھی واضح ہونا چاہیے.چیف جسٹس عامر فاروق اور جسٹس میاں گل حسن کے ریمارکس
میاں محمد ندیم جمعرات 4 اپریل 2024 14:41
(جاری ہے)
بیرسٹر سلمان صفدر نے سائفر کیس میں دسویں دن اپنے دلائل کا آغاز کیا جس پر چیف جسٹس نے ریمارکس دیے کہ ہم نے گزشتہ روز چارجز سے متعلق آپ سے کچھ چیزوں پر معاونت طلب کی تھی سلمان صفدر نے کہا کہ میری بحیثیت وکیل ذمہ داری ہوگی کہ ہر پہلو آپ کے سامنے رکھ سکوں جب آپ رمضان میں کام کررہے ہوتے ہیں تو بندہ تھوڑا تھک جاتا میری گزارش ہوگی کہ کسی ایک پارٹی کو عید سے پہلے عیدی ملنا چاہیے.
چیف جسٹس نے کہا کہ ایسی کوئی بات نہیں ہے ہم نے تمام پروسیجر کے ساتھ چل کر دیکھنا ہے بعد ازاں بیرسٹر سلمان صفدر نے سائفر کیس میں سزا معطلی کی استدعا کردی جس پر چیف جسٹس عامر فاروق نے ریمارکس دیے کہ ابھی سزا معطل کرکے کیا کرنا ہے ابھی مرکزی اپیلوں پر فیصلہ کریں گے سلمان صفدر نے عدالت کو آگاہ کیا کہ آج میں اپنے تمام دلائل قسط وار تقریبا پندرہ منٹ میں مکمل کروں گا، ایک دستاویز کے حوالے بات ہورہی ہے مگر وہ دستاویز فائل میں ہی موجود نہیں ایک میرے پاس الزام آیا کہ سائفر کو تور مروڑ کر پیش کیا اور واپس بھی نہیں کیا، ایک اور الزام ہے کہ آفیشل سیکریٹ ایکٹ کو پبلک کیا، الزام یہ بھی ہے کہ سائفر پبلک کرنے سے سیکیورٹی سسٹم کو نقصان پہنچایا گیا. چیف جسٹس نے استفسار کیا کہ آپ کے کہنے کا مطلب ہے کہ سیکشن 5 ون اے یا بی میں سے کسی ایک میں سزا ہونی تھی؟وکیل سلمان صفدر نے بتایا کہ سوال یہ ہے کہ کونسے شواہد کا سہارا لے کر سزا سنائی گئی؟عدالت نے وکیل سے استفسار کیا کہ سائفر ڈی کوڈ ہوا، کاپیاں 8 لوگوں کو گئی، مگر مقدمہ 2 افراد کے خلاف بنایا گیا؟ کہا گیا کہ اس وقت کے وزیراعظم عمران خان نے سائفر کاپی گم کر دی؟ وکیل نے جواب دیا کہ اعظم خان کے بیان میں واضح ہے کہ عمران خان نے سائفر کاپی ڈھونڈنے کی ہدایت کی تھی. عدالت نے دریافت کیا کہ ٹرائل کورٹ نے ون سی اور ون ڈی کے مطابق سزا دی ؟ جسٹس میاں گل حسن اورنگزیب نے ریمارکس دیے کہ ون سی پر سزا غفلت کی تو بنتی ہی نہیں جسٹس عامر فاروق نے استفسار کہ جب سیکرٹری کے پاس کوئی چیز آجاتی ہے تو آگے جانے کی موومنٹ آفیشل ہوتی ہے یا نہیں؟ چلیں مفروضوں پر جاتے ہیں تو دو سال بھی ان سیکشنز پر زیادتی ہے وکیل سلمان صفدر نے اپنی بات جاری رکھتے ہوئے بتایا کہ پہلے تو انہوں نے 10 سال سزا دی پھر ساتھ چھوٹی چھوٹی سزائیں دی. چیف جسٹس نے ریمارکس دیے کہ جو سیکشن لگائے گئے اور سزا سنائی گئی اس سے تو شاہ محمود قریشی کا تعلق ہی کوئی نہیں وکیل نے کہا کہ آفیشل دستاویزات کی واپسی کا مقررہ وقت ایک سال ہے مگر جن کے سائفر کی کاپی 17 ماہ میں واپس نہیں ہوئی تو ان کے خلاف کارروائی کیوں نہیں کی گئی؟جسٹس میاں گل حسن اورنگزیب نے ریمارکس دیے کہ یہ سول کیس ہے اگر ایک سال سزا بھی ہو تو بھی واضح ہونا چاہیے. سابق وزیراعظم عمران خان کے وکیل نے کہا کہ کہا گیا کہ سائفر کی کاپی واپس نہیں کی گئی یہ کس نے کرنی تھی نہیں کہا گیا، سائفر 7 کو آتا ہے، 8 کو وصول کیا جاتا ہے اور جج صاحب کہتے 9 مارچ کو ٹویسٹ کیا گیا، پرنسپل سیکرٹری نے وزارت خارجہ کو کہا کہ سائفر کی ماسٹر کاپی لے آئیں یا ہمیں نئی کاپی دے، گواہ یہ بھی کہہ رہا کہ اعظم خان نے بتایا کہ کاپی گم گئی ہے نئی کاپی مل سکتی ہے؟ گواہ خود کہہ رہے کہ ماسٹر کاپی میں واپس وزارت خارجہ لے جاچکا، گواہ کے بیان کے مطابق ہم نے کہا کہ کوئی نئی کاپی نہیں ملے گی وہی ڈھونڈ لیں. وکیل نے کہا کہ یہ کیس نہیں کہ اصلی کاپی گم ہوگئی ہے، کیس یہ ہے کہ کاپی گم ہوگئی ہے، ان کا کیس یہ ہے کہ آفیشل سیکریٹ دستاویز گم کردیا گیا، ان کا کوئی الزام نہیں کہ کمپرومائز کردیا یا کسی اور کو دے دیا ، آفیشل سیکریٹ ڈاکیومنٹ جب گم ہو جاتا ہے تو متعلقہ اداروں کو بتانا لازمی ہوتا ہے، اس وقت کے وزیراعظم عمران خان سے جب کاپی گم ہوگئی تو وزارت خارجہ کو آگاہ کردیا گیا، جب کاپی کے گمشدہ ہونے سے متعلق وزارت خارجہ کو بتایا تو انہوں نے کہا کوئی مسئلہ نہیں، میرا نہیں خیال کہ میں اس کو ختم ہوتے دیکھ رہا ہوں. جسٹس میاں گل حسن اورنگزیب نے ریمارکس دیے کہ ہم تو آپ کو سن رہے ہیں آپ نے خود کل کہا کہ آج آپ دلائل مکمل کریں گے، چیف جسٹس نے کہا کہ آج کے لیے اتنا ہی ہے، اس کو ہم مزید 16 اپریل سے سن لیں گے وکیل سلمان صفدر نے کہا کہ 16 اپریل کو پھر آپ مجھے میموری تازہ کرنے کے لیے وقت دیں گے بعد ازان عدالت نے سائفر کیس میں اپیلوں پر سماعت 16 اپریل تک ملتوی کردی گئی.مزید اہم خبریں
-
پاکستان کا فتح 2 گائیڈڈ راکٹ سسٹم کا کامیاب تجربہ
-
بھارت کا ایران کے ساتھ چابہار بندرگاہ منصوبے کا دفاع
-
ضلع ننکانہ صاحب میں کلینک آن ویلزپروگرام کا آغاز
-
وزیراعلیٰ پنجاب کی رہائش گاہ کی سکیورٹی بہتربنانے کیلئے جدید آلات خریدنے کا فیصلہ
-
بس بہت ہوگیا اب فوج کا تمسخر اُڑانا بند کریں، سینیٹر فیصل واوڈا
-
مریم نوازنے ایجوکیشن ریفارمزبارے 5 سالہ پلان کا شیڈول طلب کرلیا
-
پنجاب پولیس نے آئندہ مالی سال کیلئے 1 کھرب 97 ارب روپے کا بجٹ مانگ لیا
-
ہماری پہچان کرپشن نہیں محنت اور ذہانت ہے، احسن اقبال
-
عدت نکاح کیس ، عمران خان ، بشری بی بی کی سزا کیخلاف اپیلوں پر وکیل رضوان عباسی کے جواب آنے تک سماعت ملتوی
-
آصف زرداری پرسنگین الزامات : شیخ رشید کی درخواست بریت پر فیصلہ محفوظ
-
دبئی لیکس، سیاستدان بتائیں، جن پیسوں سے جائیدادیں خریدیں وہ کہاں سے کمایا شبرزیدی
-
دبئی لیکس پرانی فلاپ فلم کا ریمیک ہے، خواجہ آصف، محسن نقوی سمیت دیگر کی وضاحتیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.