ایس آئی ایف سی کے پلیٹ فارم سے ریکوڈک میں بڑی سرمایہ کاری کی تیاریاں جاری

جمعہ 5 اپریل 2024 19:37

اسلام آباد(اُردو پوائنٹ اخبارتازہ ترین - آن لائن۔ 05 اپریل2024ء) ایس آئی ایف سی کے پلیٹ فارم سے ریکوڈک میں بڑی سرمایہ کاری کی تیاریاں جاری ہیں، اس سلسلے میں اہم پیشرفت سامنے آئی ہے،ذرائع کا کہنا ہے کہ وزیر اعظم شہباز شریف سعودی عرب کا دورہ کریں گے ان کے ہمراہ وزیرخزانہ محمد اورنگزیب اور وزارت خزانہ کے سینئر حکام بھی سعودی عرب جائیں گے۔

ذرائع کے مطابق دورہ سعودی عرب پر ریکوڈک میں سرمایہ کاری کیلئے قائم کمیٹی کے ممبران بھی جائیں گے۔

(جاری ہے)

وزارت توانائی، او جی ڈی سی ایل حکام بھی شامل ہیں۔اس موقع پر وفاقی وزیرخزانہ محمد اورنگزیب خان سرمایہ کاری کیلئے مراعات پر خصوصی بریفنگ دیں گے، سعودی عرب کو ریکوڈک میں سرمایہ کاری پر خصوصی مراعات بھی دی جائیں گی۔ذرائع کے مطابق ریکوڈک میں سعودی عرب کی سرمایہ کاری کی ٹرانزکشن کا والیم سب سے بڑا ہوگا، وزیرخزانہ نے ریکوڈک میں سعودی عرب کی سرمایہ کاری کیلئے وزیراعظم کو آگاہ کیا۔وزارت توانائی، وزارت خزانہ، سرمایہ کاری بورڈ نے وزیراعظم کو مکمل پلان دیا، ریکوڈک میں سرمایہ کاری کیلئے ایس آئی ایف سی کو بھی اعتماد میں لیا گیا ہے۔