وزیراعلی پنجاب مریم نوازشریف کی زیر صدارت ایلیٹ پولیس فورس ہیڈ کوارٹر کمیٹی روم میں اجلاس ہوا

طارق مجید کھوکھر ہفتہ 18 مئی 2024 15:40

جہلم (اُردو پوائنٹ اخبارتازہ ترین۔ 18 مئی2024ء) وزیراعلی پنجاب مریم نوازشریف کی زیر صدارت ایلیٹ پولیس فورس ہیڈ کوارٹر کمیٹی روم میں اجلاس ہوا۔ اجلاس میں صوبہ بھر میں امن وامان سے متعلق امور کا جائزہ لیا گیا۔ آئی جی پنجاب نے امن وامان کی صورتحال کے بارے میں تفصیلی بریفنگ دی۔ پولیس، پراسیکیوشن ڈیجیٹل مانیٹرنگ میں بہتری کے لئے اقدامات پر پیش رفت کا جائزہ لیا گیا۔

ریپ کی سزا دس سے پندرہ سال تک بڑھانے کی تجویز کا جائزہ لیا گیا۔ گینگ ریپ ، بچوں سے زیادتی اور گھریلو ملازمین پر تشدد کے واقعات کے سدباب کے لئے موثر اقدامات کا فیصلہ بھی کیا گیا۔ پولیس کو کوراڈ کاپٹر ڈرون اور دیگر جدید ترین ٹیکنالوجی سے لیس کرنے فنڈز کے اجرا کے لئے اصولی منظوری دی ۔ تمام پولیس افسروں کے بارے میں رپورٹ وزیر اعلیٰ پنجاب کو پیش کی گئی ۔

(جاری ہے)

بریفنگ کے دوران بتایا گیا کہ پولیس کےلئے سائبر کرائم انوسٹی گیشن ٹریننگ مکمل کرلی گئی ۔ پولیس افسروں اور اہلکاروں کو جدید ٹیکنالوجی پر دسترس کے لئے ٹرینینگ جاری ہے۔ وزیراعلی پنجاب مریم نوازشریف نے کہا کہ پولیس کو پورے وسائل مہیا کریں گے،کرائم کو ہر صورت میں ختم کرنا ہے۔سینیٹر پرویز رشید، سینئر صوبائی وزیر مریم اورنگزیب، وزیر اطلاعات عظمیٰ زاہد بخاری،ایم پی اے ثانیہ عاشق، چیف سیکرٹری، ہوم سیکرٹری، آئی جی،ایڈیشنل آئی جی اور دیگر حکام نے بھی اس اجلاس میں شرکت کی۔