wپاکستان جمہوری پارٹی کا اجلاس ، سیاسی صورتحال پر غور و خوص

ہفتہ 22 جون 2024 21:20

لاہور (اُردو پوائنٹ اخبارتازہ ترین - آن لائن۔ 22 جون2024ء) پاکستان جمہوری پارٹی کا ایک اجلاس لاہور ہائی کورٹ بار کے جناح لائونج میں امتیاز رشید قریشی کی صدارت میں ہوا۔ اجلاس میں سید وقار شاہ جنگی مرکزی سیکرٹری جنرل، بنیادی ممبرز پی ڈی پی، ذکر یا بٹ، جاوید خان سواتی صدر خیبر پختون خواں عبدالوحید قیصر ایڈووکیٹ کراچی، سیٹھ عبدالرشید، ڈاکٹر شاہد نصیر، خان عبد الرشید سینئر ایڈووکیٹ، شہباز رشید قریشی ایڈووکیٹ، شمائلہ منظور ایڈووکیٹ، چوہدری محمد افضل ایڈووکیٹ جنید احمد پراچہ ایڈووکیٹ، چوہدری بشارت علی، فقیر محمد سمیت دیگر نے شرکت کی۔

اجلاس میں ملکی سیاسی صورتحال پر غور و خوص کیا گیا۔ بجلی کے بلوں میں ہوشربا اضافہ اور بڑھتی ہوئی مہنگائی پر گہری تشویش کا اظہار کیا گیا۔

(جاری ہے)

بعدازاں پریس کو بریفنگ دیتے ہوئے امتیاز رشید قریشی صدر پاکستان جمہوری پارٹی اور مرکزی سیکرٹری جنرل سید وقار حسین شاہ جنگی نے کہا کہ ہمیں فخر ہے کہ بابائے جمہوریت نوابزادہ نصر اللہ خان صاحب کی پاکستان جمہوری پارٹی آج بھی صف اول کی جماعتوں میں شامل ہے اور 10 لاکھ افراد باقاعدہ طور پر ہماری پارٹی کے رجسٹر ڈ ممبرز ہیں جو کہ وطن عزیز میں امن، جمہوریت اور خوشحالی کے لئے کوشاں ہیں اور بہت جلد پی ڈی پی رابطہ عوام مہم کا آغاز کرے گی اور آنے والے وقتوں میں پورے پاکستان سے جنرل الیکشن میں بھرپور حصہ لے گی۔