شاہد خاقان عباسی اور مفتاح اسماعیل نے عوام پاکستان پارٹی کو باقاعدہ لانچ کر دیا

شاہد خاقان عباسی پارٹی کے کنوینراور مفتاح اسماعیل سیکرٹری جنرل منتخب، نظام بدلنے کیلئے نئی سیاسی جماعت بنائی گئی ہے، کیا یہ ملک ایسٹ انڈیا کمپنی چلارہی ہے، مڈل کلاس طبقے کو مارا جارہاہے، پاکستان کا نظام صرف اشرافیہ کے کام آتا ہے،مفتاح اسماعیل کا تقریب سے خطاب

فیصل علوی ہفتہ 6 جولائی 2024 15:14

شاہد خاقان عباسی اور مفتاح اسماعیل نے عوام پاکستان پارٹی کو باقاعدہ ..

اسلام آباد(اردو پوائنٹ اخبارتازہ ترین۔06جولائی 2024 ) سابق وزیراعظم شاہد خاقان عباسی اور سابق وزیر خزانہ مفتاح اسماعیل نے عوام پاکستان پارٹی کوباقاعدہ لانچ کر دیا،نئی سیاسی جماعت عوام پاکستان پارٹی کا نعرہ ”بدلیں گے نظام“ رکھا گیا ہے،شاہد خاقان عباسی پارٹی کے کنوینراور مفتاح اسماعیل سیکرٹری جنرل منتخب۔عوام پاکستان پارٹی کے جھنڈے کا رنگ سبز اور نیلا رکھا گیا جس میں پارٹی کا نام سفید رنگ سے تحریر ہے۔

عوام پاکستان پارٹی کے دیگر رہنماﺅں میں سردارمہتاب عباسی، سابق وفاقی وزیرصحت ڈاکٹر ظفر مرزا، سابق صوبائی وزیر پنجاب زعیم قادری اور دیگر سیاسی رہنما شامل ہیں ۔ عوام پاکستان پارٹی کی باقاعدہ لانچنگ تقریب اسلام آبادمیں منعقد کی گئی۔رکن آگنائزنگ کمیٹی فاطمہ عاطف نے بتایا کہ پارٹی کے انٹرا پارٹی الیکشن 19 جون کو ہوئے جس میں شاہد خاقان عباسی کو پارٹی کا کنوئینر منتخب کیا گیا جبکہ مفتاح اسماعیل سیکرٹری کے طور پر منتخب ہوئے۔

(جاری ہے)

تقریب سے خطاب کرتے ہوئے عوام پاکستان پارٹی کے سیکرٹری جنرل مفتاح اسماعیل کا کہنا تھا کہ نظام بدلنے کیلئے نئی سیاسی جماعت بنائی گئی ہے۔ کیا یہ ملک ایسٹ انڈیا کمپنی چلارہی ہے۔ مڈل کلاس طبقے کو مارا جارہاہے، پاکستان کا نظام صرف اشرافیہ کے کام آتا ہے۔ یہ نظام پاکستان کو آگے نہیں بڑھنے دیتا۔ بجٹ میں نوکری پیشہ افراد پر ٹیکس دگنا کردیاگیا۔

ملک میں شکاری اور شکار کا نظام ہے۔ پاکستان شکاری ظالمانہ نظام کے سبب سب سے پیچھے رہ گیا ہے۔ ہم نوجوانوں کو مایوس دیکھنا نہیں چاہتے۔ملک میںظالمانہ نظام بن گیا ہے عام پاکستانی ایک شکار ہے۔ یہ پاکستان اب ہمیں منظور نہیں ہے، قائد اعظم نے پاکستان اس لئے آزاد نہیں کیا کہ ہم جہالت میں قید رہیں۔ اب عام لوگوں کو سیاست میں آنا ہے۔ بجٹ حکمرانوں کی ترجیحات کا بہترین عکاس ہے، حکمران ہمیں زندگی کا تحفظ بھی نہیں دے سکتے۔

مفتاح اسماعیل نے مزید کہا کہ ساوتھ سوڈان سے ہمارے ملک کا برا حال ہے، ایک وقت تھا پاکستان ایشیا میں سب سے آگے تھا اب ہم سب سے پیچھے جارہے۔ قائد اعظم نے پاکستان کو اس لئے آزاد نہیں کرایا تھاجہالت بھوک کی قید میں رہیں۔پاکستان نظام درست نہ ہونے کے سبب دنیا میں پیچھے رہ گیا ہے۔ ایک وقت تھا پاکستان جنوبی ایشیا میں سب سے امیر ملک تھا، یہ شکاری اور شکار کا نظام ہے، آج ہم بنگلادیش، ہندوستان اور نیپال سے پیچھے ہیں۔