Live Updates

تحریک انصاف پر پابندی لگانے کا ان کا خواب محض خواب ہی رہ جائے گا،مینا خان

پیر 15 جولائی 2024 23:15

پشاور(اُردو پوائنٹ اخبارتازہ ترین - این این آئی۔ 15 جولائی2024ء) صوبائی وزیر برائے ہائر ایجوکیشن مینا خان نے عطا تارڑ کے بیان پی ٹی آئی پر پابندی کے رد عمل میں کہا ہے کہ پاکستان تحریک انصاف پر پابندی لگانے کا ان کا خواب محض خواب ہی رہ جائے گا، سیاسی جماعتوں پر پابندی کے ایسے فیصلے آمروں نے کئے تھے،ایسا لگتا ہے کہ ملک میں جمہوریت کا نام ختم ہوتا جا رہا ہے،کوئی بھی چاہے جتنی کوشش کر لے پی ٹی آئی کو عوام کی خدمت سے نہیں روک سکتا۔

ان خیالات کا اظہار انہوں نے یہاں سے جاری اپنے ایک بیان میں کیا۔

(جاری ہے)

صوبائی وزیر مینا خان نے کہا کہ پی ٹی آئی کی بڑھتی عوامی مقبولیت اور پے در پے کامیابیوں سے مرکزی حکومت بوکھلا گئی ہے اسی وجہ سے اب بے تکے بیانات دینے شروع کر دئیے ہیں تاہم یہ واضح کر دیں کہ اگر کسی نے تحریک انصاف کو دیوار سے لگانے کی ناکام کوشش کی تو پھر عوامی سیلاب لیکر اسلام آباد داخل ہونگے۔انہوں نے کہا کہ تحریک انصاف کی عوامی مقبولیت کے باعث دیگر سیاسی پارٹیوں کا وجود ختم ہو کر رہ گیا ہے اسی لئے بوکھلاہٹ میں وہ اس قسم کے بے تکے بیانات دے رہے ہیں۔ صوبائی وزیر ہائر ایجوکیشن مینا خان نے کہا کہ سپریم کورٹ کے فیصلے کے بعد اب شریف برادران کو چاہئیے کہ وہ لندن جانے کی تیاری کریں۔