آئندہ 24 گھنٹوں میں کشمیر، مشرقی پنجاب، پوٹھوہار، اسلام آباد، بالائی خیبرپختونخوا میں تیز ہوائوں کیساتھ بارش کا امکان

ہفتہ 27 جولائی 2024 23:07

اسلام آباد(اُردو پوائنٹ اخبارتازہ ترین - این این آئی۔ 27 جولائی2024ء) محکمہ موسمیات نے بتایا ہے کہ آئندہ24گھنٹوں کے دوران آزاد کشمیر، مشرقی پنجاب، خطہ پوٹھوہار، اسلام آباد، بالائی خیبرپختونخوا اورجنوب مشرقی سندھ میں تیز ہوائوں/جھکڑچلنے اور گرج چمک کیساتھ بارش کا امکان ہے جبکہ شمال مشرقی پنجاب اورکشمیر میں موسلادھار بارش بھی متوقع ہے۔

ملک کے دیگرعلاقوں میں موسم گرم اور شدیدحبس رہنے کا امکان ہے۔ہفتہ کو محکمہ موسمیات سے جاری بیان کے مطابق گزشتہ24گھنٹوں کے دوران ملک کے بیشتر علاقوں میں موسم گرم اور حبس رہی ،تاہم خطہ پوٹھوہار، شمال مشرقی پنجاب، بالائی خیبرپختونخوا اور کشمیر میں چند مقامات پر آندھی/گرج چمک کے ساتھ بارش ہوئی،سب سے زیادہ بارش پنجاب میں گوجرانوالہ 31، سیالکوٹ (ایئرپورٹ)21، گجرات 18، مری 16، نارووال 12، ساہیوال 1، خیبرپختونخوا میںبالاکوٹ 5، کاکول2، کشمیر، گڑھی دوپٹہ5اور راولاکوٹ میں 1ملی میٹر بارش ریکارڈ کی گئی۔

(جاری ہے)

ہفتہ کو ریکارڈکیے گئے زیادہ سے زیادہ درجہ حرارت نوکنڈی، دالبندین 47، دادو، سبی اور چلاس میں 45 ڈگری سینٹی گریڈ ریکارڈ کیا گیا۔محکمہ موسمیات کے مطابق آئندہ24گھنٹوں کے دوران آزاد کشمیر، مشرقی پنجاب، خطہ پوٹھوہار، اسلام آباد، بالائی خیبرپختونخوا اورجنوب مشرقی سندھ میں تیز ہوائوں/جھکڑچلنے اور گرج چمک کیساتھ بارش کا امکان ہے جبکہ شمال مشرقی پنجاب اورکشمیر میں موسلادھار بارش بھی متوقع ہے۔