’’گلاس ورکر‘‘ نے چند روزمیں باکس آفس پر ریکارڈ بنا ڈالا

منگل 6 اگست 2024 18:49

ٰلاہور (اُردو پوائنٹ اخبارتازہ ترین - آن لائن۔ 06 اگست2024ء) جیو فلمز کی پیشکش اور مانو اینیمیشن اسٹوڈیوز کی تیار کردہ پاکستان کی سب سے خوبصورت فلم ’’گلاس ورکر‘‘ نے سنیما گھروں میں ریلیز ہوتے ہی باکس آفس پر کامیابی کے جھنڈے گاڑ دیے۔جیو فلمز اور مانڈوی والا انٹرٹینمنٹ کے بینر تلے ریلیز کی جانے والی فلم نے صرف چند روز میں ڈھائی کروڑ روپے کا شاندار بزنس کرکے ریکارڈ قائم کردیا ہے۔

(جاری ہے)

جنگ سے تباہ حال ملک میں ’’محبت‘‘ کی دِل کو چھو لینے والی کہانی کو ہر عمر کے لوگ پسند کر رہے ہیں۔پہلے ویک اینڈ کی طرح دوسرے ہفتے بھی سنیما گھروں میں فلم دیکھنے والوں کا رًش نظر آیا۔یاد رہے کہ ’’جیو فلمز‘‘ اس سے قبل سنیما کی بحالی کیلیے خدا کیلیے، بول، طیفا اِن ٹربل، دی لیجنڈ آف مولا جٹ اور ڈونکی کنگ جیسی کئی مشہور اور شاہکار فلمیں پیش کر چکا ہے جنہوں نے ناظرین میں بے انتہا مقبولیت حاصل کی ہے۔