جو پاکستان کی عظمت کو نہیں مانتا وہ افغانستان چلا جائے،گورنرسندھ

بدھ 18 ستمبر 2024 22:42

کراچی(اُردو پوائنٹ اخبارتازہ ترین - آن لائن۔ 18 ستمبر2024ء) گورنر سندھ کامران خان ٹیسوری نے قومی ترانے کی بے حرمتی پر افغانستان حکومت سے اپنے سفارتی عملے کو واپس بلانے کا مطالبہ کردیا۔کامران ٹیسوری نے گورنر ہائوس میں پریس کانفرنس کرتے ہوئے کہا کہ علی امین گنڈاپور کو افغان قونصل جنرل کو کہنا چاہیے تھا کہ آپ میرے دفتر میں بیٹھیں۔

(جاری ہے)

گورنر سندھ نے کہا کہ معلوم نہیں افغان قونصل جنرل کو ذہنی معذوری تھی یا جسمانی جو پاکستان کی عظمت کو نہیں مانتا وہ افغانستان چلا جائے۔

گورنر سندھ کا کہنا تھا کہ 2040 کا ڈرافٹ تیار کرلیا ہے، پاکستان کو آگے کیسے بڑھنا ہے اس معاملے پر تمام اسٹیک ہولڈرز کو 25 دسمبر کو ساتھ بٹھائیں گے۔انہوں نے کہا کہ اپنی کرسی پر نہ بھی رہے تو پارٹی کی ذمے داریاں ادا کرتے رہیں گے۔کامران ٹیسوری نے مزید کہا کہ معاشی مسائل کا حل نظام مصطفیٰ اور سودی نظام کے خاتمے میں ہے، ربیع الاوّل کے پورے مہینے گورنر ہائوس میں نعت خوانی کے پروگرام ہوں گے۔#