ْچینی وزیراعظم کے پاکستان آنے پر معاشی معاملات پر خصوصی توجہ دی جائیگی،ترجمان دفترخارجہ

بھارتی وزیر خارجہ یا وفد سے اجلاس کے موقع پر کوئی ملاقات طے نہیں ،ممتاززہرہ بلوچ کی گفتگو

اتوار 13 اکتوبر 2024 21:30

ْچینی وزیراعظم کے پاکستان آنے پر معاشی معاملات پر خصوصی توجہ دی جائیگی،ترجمان ..

اسلام آباد(اُردو پوائنٹ اخبارتازہ ترین - این این آئی۔ 13 اکتوبر2024ء) ترجمان دفترخارجہ ممتاززہرہ بلوچ نے کہاہے کہ شنگھائی تعاون تنظیم کی تیاریاں مکمل ہیں،چینی وزیراعظم کے پاکستان آنے پر معاشی معاملات پر خصوصی توجہ دی جائے گی،بھارتی وزیر خارجہ یا وفد سے اجلاس کے موقع پر کوئی ملاقات طے نہیں ۔نجی ٹی وی کے دیئے گئے انٹرویو میں ممتاز زہرہ بلوچ نے کہا کہ شنگھائی تعاون تنظیم (ایس سی او)کی تیاریاں مکمل ہیں،پاکستان نے حال میں ایس سی او میں شمولیت اختیار کی ہے اور پہلی مرتبہ اس کی چیئرمین شپ پاکستان کے پاس آئی ہے، ایس سی او کے قوانین کے مطابق صدارت جس کے پاس ہوتی ہے وہی ملک کانفرنس کا انعقاد کرتا ہے۔

ممتاز زہرہ بلوچ نے بتایا کہ یہ کانفرنس معاشی تعاون کے معاملات، یوتھ افئیر، سوشل اکنامک ڈیولپمنٹ، بڑھتی غربت پر فوکس کرے گی۔

(جاری ہے)

انہوں نے کہا کہ چینی وزیراعظم جب پاکستان آئیں گے تو معاشی معاملات پر زیادہ زور ہوگا کہ کس طرح سی پیک کے معاملات کو ہم آگے لے کر بڑھ سکتے ہیں، معاشی تعاون اور تجارت میں کس طرح وسعت آسکتی ہے، اس کے علاوہ علاقائی اور بین الاقوامی سطح پر جو پیشرفت ہو رہی ہیں وہ بہت اہم ہیں، پاکستان جنوری سے اقوام متحدہ کی سکیورٹی کونسل کا رکن بننے جا رہا ہے، چین پہلے ہی سکیورٹی کونسل کا مستقل رکن ہے، دونوں مملاک سکیورٹی کونسل میں اگلے دو سال مل کر کام کرنا چاہتے ہیں، یہ چیزیں بھی ہم لیڈر شپ لیول پر ڈسکس کریں گے۔

ترجمان دفتر خارجہ نے کہا کہ بھارتی وزیر خارجہ یا وفد سے اس وقت ایس سی او اجلاس کے موقع پر پاکستان کی جانب سے کوئی ملاقات طے نہیں کی گئی ہے۔