آپریشنل وجوہات کے سبب 6 غیر ملکی پروازیں منسوخ

جمعرات 17 اکتوبر 2024 16:16

کراچی(اُردو پوائنٹ اخبارتازہ ترین - این این آئی۔ 17 اکتوبر2024ء) آپریشنل وجوہات کے سبب 6 غیر ملکی پروازیں منسوخ جبکہ 15 تاخیر کا شکار ہوگئیں۔ فلائٹ شیڈول کے مطابق کوالالمپور سے کراچی کی غیر ملکی ایئر لائن کی پروازیں او ڈی 135 اور 136 کو منسوخ کر دیا گیا۔دبئی سے کراچی کی پی آئی اے کی پرواز پی کے 214 منسوخ کر دی گئی۔ایوی ایشن ذرائع کے مطابق دبئی سے لاہور کے لیے نجی ایئر لائن کی پرواز ای آر 724 منسوخ کر دی گئی۔

بحرین سے پشاور کی غیر ملکی ایئر لائن کی پروازیں جی ایف 786 اور 787 منسوخ کر دی گئیں۔آپریشنل وجوہات کے سبب 13 پروازیں منسوخ، 2 کو کراچی اتار لیا گیا۔ابوظبی، جدہ، استنبول اور دمام سے اسلام آباد کی پروازیں 1 سے 3 گھنٹے تاخیر کا شکار ہوئیں جبکہ اسلام آباد سے دبئی اور جدہ کی پروازیں بھی 1 سے 3 گھنٹے تاخیر کا شکار ہوگئیں۔

(جاری ہے)

اسلام آباد سے دبئی کی غیر ملکی ایئر لائن کی پرواز ای کے 613 تین گھنٹے کی تاخیر سے دوپہر 12 بجے روانہ ہو ئی۔

استنبول سے کراچی کی 4 پروازیں اور کراچی سے دمشق کی 2 پروازیں بھی تاخیر کا شکار ہوگئیں جبکہ جدہ اور دبئی سے ملتان کی پروازوں کی آمد میں 1 سے ڈھائی گھنٹے تاخیر ہوئی۔کویت سٹی اور استنبول سے لاہور کی پروازیں 1 گھنٹے سے زائد اور لاہور سے دبئی کی پرواز ایف زیڈ 360 پونے 3 گھنٹے تاخیر سے روانہ ہو ئی۔

Facebook Twitter Google + Share on Whatsapp

آپریشنل وجوہات کے سبب 6 غیر ملکی پروازیں منسوخ

متعلقہ عنوان :

مزید قومی خبریں