آئندہ 24 گھنٹوں کے دوران ملک کے بیشتر علاقوں میں موسم خشک اور سرد رہنے کا امکان

ہفتہ 23 نومبر 2024 20:56

اسلام آباد (اُردو پوائنٹ اخبارتازہ ترین - اے پی پی۔ 23 نومبر2024ء) آئندہ 24 گھنٹوں کے دوران ملک کے بیشتر علاقوں میں موسم خشک اور سرد رہنے کا امکان ہےتاہم گلگت بلتستان، بالائی خیبر پختونخوا ،اسلام آباد ، خطہ پوٹھو ہار اورکشمیر میں مطلع ابر آلود رہنے کے علاوہ چند مقامات پر تیزہواؤں اورگرج چمک کے ساتھ بارش اور پہاڑوں پرہلکی برفباری کا امکان ہے جبکہ وسطی/جنوبی پنجاب اور بالائی سندھ کے چند میدانی علاقوں میں سموگ / دُھند چھا ئےرہنے کی توقع ہے۔

(جاری ہے)

محکمہ موسمیات کے مطابق کل اتوار کوملک کے بیشتر علاقوں میں موسم خشک اور سرد رہنے کا امکان ہے جبکہ پنجاب اور بالائی سندھ کے میدانی علاقوں میں صبح اور رات کے اوقات میں سموگ / دُھند چھا ئےرہنے کی توقع ہے۔گذشتہ 24 گھنٹوں کے دوران ملک کے بیشتر علاقوں میں موسم خشک جبکہ پہا ڑی علا قوں میں مطلع جزوی ابر آلود/سرد رہا۔ بالائی سندھ اور پنجاب کے چند میدانی علا قے سموگ / دُ ھند کی لپیٹ میں رہے۔تاہم مظفر آباد میں 02 ملی میٹربارش ریکارڈ کی گئی۔ہفتہ کوریکارڈکئے گئے کم سےکم درجہ حرارت: لہہ منفی06 ،اسکردو منفی 04 اور گوپس میں منفی 03 ڈگری سینٹی گریڈ ریکارڈ کیا گیا۔