چیئرمین سینیٹ سید یوسف رضا گیلانی نے اوچ شریف میں حضرت محبوب سبحانی کے مزار پر حاضری دی

منگل 3 دسمبر 2024 22:05

اسلام آباد/اوچ شریف (اُردو پوائنٹ اخبارتازہ ترین - این این آئی۔ 03 دسمبر2024ء) چیئرمین سینیٹ سید یوسف رضا گیلانی نے اوچ شریف میں حضرت محبوب سبحانی کے مزار پر حاضری دی۔ انہوں نے فاتحہ خوانی کی اور پھولوں کی چادر چڑھائی۔ انہوں نے اپنے خاندان کے دیگر بزرگوں کے مزارات پر حاضری دی ۔ خاندان گیلانی ملتان،خاندان گیلانی اوچ شریف اور خاندان گیلانی جمالدین والی نیسابق ایم این اے سید علی حسن گیلانی کی وفات پرتعزیت اور ان کے بھتیجے سید غوث معین الدین گیلانی کی دستار بندی کی۔

سابق گورنر پنجاب مخدوم احمد محمود، سید افتخار الحسن گیلانی، سید احمد مجتبیٰ گیلانی ،سجادہ نشین حضرت موسی پاک شہید ابوالحسن جمال الدین گیلانی، ایم این اے سید سمیع الحسن گیلانی، پیر کوٹ مٹھن شریف عامر کوریجہ اور دیگر بھی اس موقع پر موجود ۔

(جاری ہے)

۔چیئرمین سینیٹ سید یوسف رضا گیلانی نے سابق گورنر پنجاب مخدوم احمد محمود کے ہمراہ مرحوم سابق ایم این اے سید علی حسن گیلانی کے اہل خانہ، جن میں ان کے چچا سید ظفر حسن گیلانی، ان کے بھائی ایم این اے سید سمیع الحسن گیلانی،کزن ایم پی ایسید عامر علی شاہ گیلانی اور مخدوم سید سہیل گیلانی شامل ہیں، سے اظہار تعزیت کیا۔

چیئرمین سینیٹ سید یوسف رضا گیلانی نے کہا کہ سید علی حسن گیلانی کی اہل علاقہ کے لئے خدمات ہمیشہ یاد رکھی جائیں گی۔ انہوں نے یہ خیالات سابق ایم این اے سید علی حسن گیلانی کے گھر اوچ شریف اپنے دورے کے دوران پیش کیے۔ چیئرمین سینیٹ نے کہا کہ مرحوم ایک مہربان اور رحم دل شخص تھے، ان کا انتقال گیلانی خاندان اور اہلیان اوچ کے لیے ایک ناقابل تلافی نقصان ہے ۔

سید یوسف رضا گیلانی نے مرحوم کے لیے دعا کی اور سوگوار خاندان سے ہمدردی کا اظہار کیا۔ سید ہادی گیلانی، سابق ایم پی اے شاہ رخ ملک، ڈپٹی کمشنر بہاولپور فرحان فاروق، ڈسٹرکٹ پولیس آفیسر بہاولپور اسد سرفراز، اسسٹنٹ کمشنر احمدپور شرقیہ نوید حیدر، حبیب خان گوپانگ، دیوان تقی، اور علاقے کے دیگر معززین بھی اس موقع پر موجود تھے۔