ملک کے بیشتر علاقوں میں موسم سرد اور خشک رہنے کا امکان

منگل 10 دسمبر 2024 21:57

اسلام آباد (اُردو پوائنٹ اخبارتازہ ترین - اے پی پی۔ 10 دسمبر2024ء) ملک کے بیشتر علاقوں میں موسم سرد اور خشک جبکہ پہاڑی علاقوں میں صبح / رات کے اوقات میں شدید سرد رہنے کا امکان ہے تاہم گلگت بلتستان، بالائی خیبر پختونخوا، کشمیر اور ملحقہ پہاڑی علاقوں میں چند مقامات پر ہلکی بارش اور برف باری ہو سکتی ہے۔

(جاری ہے)

محکمہ موسمیات کے مطابق آئندہ چوبیس گھنٹوں کے دوران خیبر پختونخوا کے میدانی علاقوں اور خطہ پوٹھوہار میں صبح کے اوقات میں بعض مقامات پر کُہرا پڑنے کی جبکہ جنوبی پنجاب اور بالائی سندھ میں بعض مقامات پر صبح کے اوقات میں ہلکی دُھند چھائے رہنے کی بھی توقع ہے۔

سردی کی حالیہ لہر چند روز برقرار رہے گی۔ رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا ہے۔ منگل کو ریکارڈ کئے گئے کم سےکم درجہ حرارت کے اعدادوشمار کے مطابق لہہ میں درجہ حرارت منفی 13، سکردو، گوپس منفی 7، کالام، قلات منفی 6، گلگت، استور، کوئٹہ منفی 5، دیر، مالم جبہ منفی 4 اور ہنزہ میں منفی 3 ڈگری سینٹی گریڈ ریکارڈ کیا گیا ہے۔

Facebook Twitter Google + Share on Whatsapp

ملک کے بیشتر علاقوں میں موسم سرد اور خشک رہنے کا امکان

متعلقہ عنوان :

مزید موسم کی خبریں