ملک کے بیشتر علاقوں میں موسم سرد ،خشک اور پہاڑی علاقوں میں شدیدسرد رہنے کا امکان

پیر 23 دسمبر 2024 23:13

اسلام آباد (اُردو پوائنٹ اخبارتازہ ترین - اے پی پی۔ 23 دسمبر2024ء) آئندہ 24 گھنٹوں کے دوران ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد رہنے کا امکان ہےتاہم کشمیر اور ملحقہ پہا ڑی علا قوں میں مطلع جزوی ابر آلو رہنے کے علاوہ بعض مقامات پر ہلکی بارش /ہلکی برف با ری ہو سکتی ہے۔ پنجاب، بالائی سندھ اور خیبر پختونخوا کے میدانی علا قوں میں سموگ/دھند چھائے رہنے کی توقع ہے۔

محکمہ موسمیات کے مطابق (کل )منگل کوملک کے بیشتر علاقوں میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے۔اسلا م آباد، خطہ پو ٹھو ہار ، خیبر پختو نخوا میں چند مقامات پر صبح کے او قات میں کہرا پڑنے کی توقع ہے، پنجاب، بالائی سندھ اور خیبر پختونخوا کے میدانی علا قوں میں صبح اور رات کے اوقات میں سموگ/دھند چھائے رہنے کی توقع ہے۔

(جاری ہے)

گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہاتاہم شمال مشرقی پنجاب میں چند مقامات پر ہلکی بارش/بونداباندی جبکہ مری، گلیات اور کشمیر میں چند مقامات پر ہلکی بر ف باری ہوئی۔ پنجاب، بالائی سندھ اور خیبرپختونخوا کے میدانی علاقوں میں چند مقامات پر سموگ/دھند چھائی رہی۔سب سے زیا دہ بارش قصور 05،لا ہور (ایئر پو رٹ 02، سٹی 01) اور منگلا میں 02ملی میٹر بارش جبکہ مری میں 02 انچ بر ف باری ریکارڈ ہوئی۔پیر کو کم سےکم درجہ حرارت لہہ منفی09 ، سکردومنفی08، گوپس منفی07، استور، گلگت، کوئٹہ منفی 05، بگروٹ، کالام، قلات منفی04، چترال، دیر، ہنزہ میں منفی 03 ڈگری سینٹی گریڈ ریکارڈ کیا گیا۔