ملک کے بیشتر علاقوں میں موسم سرد و خشک اور پہاڑی علاقوں میں صبح اور رات کے اوقات میں شدیدسرد رہنے کا امکان

جمعرات 26 دسمبر 2024 20:23

اسلام آباد (اُردو پوائنٹ اخبارتازہ ترین - اے پی پی۔ 26 دسمبر2024ء) ملک کے بیشتر علاقوں میں آئندہ 24 گھنٹوں کے دوران موسم سرد اور خشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے تاہم کشمیر، گلگت بلتستان ، شمال مشر قی پنجاب، بالا ئی خیبر پختو نخوا ، مری ، گلیات اور ملحقہ پہا ڑی علا قوں میں ہلکی بارش اور برف باری جبکہ پنجاب کے زیادہ ترمیدانی علا قوں، خیبر پختو نخوا اور با لا ئی سندھ میں صبح /رات کے اوقات میں سموگ/شدید دھند چھائے رہنے کی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ پنجاب کے میدانی علاقوں اور بالائی سندھ میں سموگ/دھند چھائی رہی۔جمعرات کو ریکارڈ کئے گئے کم سے کم درجہ حرارت: سکردومنفی13،لہہ منفی12، گوپس منفی09، استور، گلگت منفی 08، کوئٹہ منفی 06،ہنزہ ، قلات ، زیارت منفی 05،دیر اور کالام میں منفی 04 ڈگری سینٹی گریڈ ریکارڈ کیا گیا۔