عمران خان نے سب مظالم معاف کرنے کی حامی بھرلی ہے ، صاحبزادہ حامد رضا

ہم مذاکرات کو 31 جنوری 2025ء کو منطقی انجام تک پہنچانا چاہتے ہیں، بانی پی ٹی آئی کی اوورسیز پاکستانیوں کو زرمبادلہ وطن نہ بھیجنے کی کال جاری رہے گی، پی ٹی آئی مذاکراتی کمیٹی کے ترجمان کی میڈیا سے گفتگو

فیصل علوی جمعہ 27 دسمبر 2024 10:54

عمران خان نے سب مظالم معاف کرنے کی حامی بھرلی ہے ، صاحبزادہ حامد رضا

راولپنڈی(اردوپوائنٹ اخبار تازہ ترین۔ 27 دسمبر 2024) پاکستان تحریک انصاف کی مذاکراتی کمیٹی کے ترجمان صاحبزادہ حامد رضا کا کہنا ہے کہ بانی پی ٹی آئی عمران خان نے سب مظالم معاف کرنے کی حامی بھرلی ہے، ہم مذاکرات کو 31 جنوری 2025ءکو منطقی انجام تک پہنچانا چاہتے ہیں،میڈیا سے گفتگو کرتے ہوئے انہوں نے کہا کہ بانی پی ٹی آئی عمران خان کی اوورسیز پاکستانیوں کو زرمبادلہ وطن نہ بھیجنے کی کال جاری رہے گی۔

ہم نے پیغام دیا ہے بانی پی ٹی آئی کی رہائی ہمارے ایجنڈے کا حصہ ہے وہ آئینی قانونی اور عدالتی طریقے سے رہا ہوں۔عمر ایوب ڈیڈ لائن سے متعلق حکومت کو باضابطہ طور پر آگاہ کریں گے۔ اب دو تاریخ کو حکومت سے مذاکرات ہوں گے اور تمام مطالبات حکومت کے سامنے رکھیں گے۔ان کا یہ بھی کہنا تھا کہ ہمارے مطالبات دو ہیں۔

(جاری ہے)

اول یہ کہ نو مئی اور 26 نومبر کی تحقیقات کیلئے جوڈیشل کمیشن بنائے جائیں۔

9 مئی میں دوسری سائیڈ ذمہ دار ہے ایک کمیشن بنے جو سینئر موسٹ ججز پر بنے۔ سی سی ٹی وی فوٹیجز سامنے لائی جائیں جو لوگوں کو ا±کسا رہے تھے ان کا تعین ہوسکے۔ 26 نومبر پر ہمارا موقف ہے کہ گولی چلی، 13 شہید ہیں، 64 زخمی ہیں یہ پاکستان کی جمہوریت پر حملہ ہے ہم 26 نومبر پر بھی جوڈیشل کمیشن کا مطالبہ کررہے ہیں۔اس کے علاوہ مختلف جیلوں میں ہمارے لوگ قید ہیں انہیں رہا کیا جائے ان کی رہائی ہمارا ایجنڈا ہے اور آخر میں بانی پی ٹی آئی کی رہائی عمل میں لائی جائے ان کی رہائی کسی ڈیل پر نہیں عدالتوں سے ہوگی۔

پہلے بھی بانی پی ٹی آئی کی رہائی ہونی تھی لیکن ایک اور مقدمے میں انہیں گرفتار کرلیا گیا۔انہوں نے کہا کہ، ، عمران خان نے تمام مظالم کو معاف کرنے کی ہامی بھری ہے،بانی پی ٹی آئی عمران خان نے وزیراعلیٰ خیبرپختونخواہ علی امین گنڈاپور پر بھرپور اعتماد کا اظہار کیا ہے انہوں نے فسطائیت کا سامنا کرنے والے تمام پارلیمنٹرین اور کارکنوں کو اپنا فخر کہا ہے اور کرم ایجنسی کے معاملے کو فوری حل کرنے کا کہا ہے۔ 1971ءکے بعد کسی پارٹی کے حقوق چھینے گئے۔ سول رائٹس اور ہیومن رائٹس کو معطل کیا گیا، الیکشن میں ہمارا مینڈیٹ چرایا گیا اس لئے یہ کال جاری رہے گی۔