ملک کے بیشترعلاقوں میں موسم سرد ،خشک ،پہاڑی علاقوں میں صبح/رات کے اوقات میں شدید سرد رہنےکا امکان ہے، محکمہ موسمیات

منگل 7 جنوری 2025 23:11

اسلام آباد (اُردو پوائنٹ اخبارتازہ ترین - اے پی پی۔ 07 جنوری2025ء) آئندہ 24 گھنٹوں کے دوران ملک کے بیشترعلاقوں میں موسم سرد اور خشک جبکہ پہاڑی علاقوں میں صبح/رات کے اوقات میں شدید سرد رہنےکا امکان ہے،صبح/رات کے اوقات میں شمال مشرقی پنجاب میں درمیانی سے شدید جبکہ جنوبی پنجاب اور بالائی سندھ میں ہلکی سے درمیانی دُھند چھائے رہنے کی توقع ہے۔

صبح کے اوقات میں کشمیر ، بالائی خیبر پختونخوا ،خطہ پوٹھوہار اوربالائی پنجاب کے بعض علاقوں میں کُہَر پڑنے کی بھی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا تاہم بالائی خیبرپختونخوا اور کشمیر میں چند مقامات پر بارش ہوئی ۔مشرقی پنجاب اور بالائی سندھ میں درمیانی سے شدید دھند چھائی رہی۔

سب سے زیادہ بارش خیبرپختونخوا میں پٹن 06 اورکاکول 01،کشمیر میں گڑھی دوپٹہ میں ایک ملی میٹر بارش ریکارڈ ہوئی۔منگل کو ریکارڈکئے گئے کم سےکم درجہ حرارت لہہ منفی 10، کالام منفی 09، قلات، استور منفی 08، کوئٹہ، گوپس، زیارت منفی 07،سکردو ،دروش، چترال اورہنزہ میں منفی 04ڈگری سینٹی گریڈ ریکارڈ کیا گیا۔