Live Updates

پی ٹی آئی کے لوگ آپس میں بھی لڑ رہے ہیں اور اداروں سے بھی لڑ رہے ہیں ، رانا ثناءاللہ

حکومت کی طرف سے بانی پی ٹی آئی کو بنی گالہ منتقلی کی کوئی پیشکش نہیں کی گئی، سٹیبلشمنٹ کی طرف سے بانی پی ٹی ٹی آئی کو کی گئی پیشکش کے بارے میں وہ کچھ نہیں کہہ سکتے، رہنماء ن لیگ کا بیان

فیصل علوی جمعرات 9 جنوری 2025 10:50

پی ٹی آئی کے لوگ آپس میں بھی لڑ رہے ہیں اور اداروں سے بھی لڑ رہے ہیں ، ..

اسلام آباد(اردوپوائنٹ اخبار تازہ ترین۔09 جنوری 2025)وزیراعظم کے مشیر برائے سیاسی امور رانا ثناءاللہ کا کہنا ہے کہ پی ٹی آئی کے لوگ آپس میں بھی لڑ رہے ہیں اور اداروں سے بھی لڑ رہے ہیں، حکومت کی طرف سے بانی پی ٹی آئی کو بنی گالہ منتقلی کی کوئی پیشکش نہیں کی گئی،سٹیبلشمنٹ کی طرف سے بانی پی ٹی ٹی آئی کو کی گئی پیشکش کے بارے میں وہ کچھ نہیں کہہ سکتے،اپنے ایک بیان میں رہنماءمسلم لیگ ن نے کہا کہ وزیراعلیٰ خیبرپختونخواہ علی امین گنڈا پور کے رابطے دونوں طرف نہیں بلکہ چاروں طرف ہیں۔

پی ٹی آئی رہنماو¿ں کی لیکڈ واٹس ایپ گفتگو کے بارے میں وزیراعظم کے مشیر برائے سیاسی امور رانا ثنااللہ کا کہنا تھا کہ علیمہ خان نے بانی پی ٹی آئی کے جیل میں رہنے کے سیاسی فوائد اور انہیں زہر دینے کی بات کی۔

(جاری ہے)

انہوں نے کہا کہ 190 ملین پاونڈ ریفرنس کے فیصلے میں تاخیر کا مذاکرات سے کوئی تعلق نہیں ہے۔سپیکر قومی اسمبلی ایاز صادق کی واپسی کے بعد مذاکرات شروع ہو جائیں گے۔

حکومت نے ابھی تک بانی پی ٹی آئی عمران خان کو بنی گالہ بھجوانے کی کوئی پیشکش نہیں کی ہے ۔خیال رہے کہ اس سے قبل بانی پی ٹی آئی عمران خان کی ہمشیرہ علیمہ خان نے کہاتھا کہ بنی گالہ ہاﺅس اریسٹ کی آفر آئی تھی آفروزیراعلیٰ خیبرپختونخواہ علی امین گنڈا پور لیکر آئے تھے۔بانی پی ٹی آئی عمران خان نے صرف دو مطالبات سامنے رکھے تھے۔بانی پی ٹی آئی دو سال سے کہہ رہے تھے کہ نو مئی پر جوڈیشل کمیشن بنائیں،کیا بانی پی ٹی آئی کے مطالبات قابل قبول نہیںتھے۔

ہمارا بھائی ڈیڑھ سال سے جیل میںہے ہم نے بیک ڈور ڈیل کرنی ہوتی تو کرچکے ہوتے،پہلے دن سے ڈیل کی آفرز آرہی ہیں لیکن براہ راست کسی نے رابطہ نہیں کیاتھا۔قبل ازیں پاکستان تحریک انصاف کے رہنماءشیرافضل مروت نے دعویٰ کیا تھا کہ بانی پی ٹی آئی عمران خان کو ہاوس اریسٹ کرنے کی آفرسٹیبلشمنٹ اورحکومت کی طرف سے محسن نقوی نے کی تھی اور اس کے بعد پھر 26 نومبر کا سانحہ ہوا توحالات تبدیل ہوگئے اور سیاسی قیادت سے مذاکرات شروع ہوگئے تھے۔

نجی ٹی وی سے گفتگو کرتے ہوئے رہنماءپی ٹی آئی کا کہنا تھا کہ بانی پی ٹی آئی عمران خان کی ہاوس اریسٹ کی آفر رد کی گئی تھی اور پھر ہاو¿س اریسٹ آفر سے انکار پرتین ہفتے یا 20 دسمبر کو بانی پی ٹی آئی کی رہائی کی پیشکش ہوئی تھی۔شیر افضل مروت کا یہ بھی کہنا تھا کہ ماضی میں سٹیبلشمنٹ وقتاً فوقتاً ڈائریکٹ یا ان ڈائریکٹ رابطہ کرتی رہی تھی۔ 26 نومبرکے سانحہ کے بعد اب کوئی بیک ڈور مذاکرات نہیں ہورہے تھے۔حکومتی مذاکراتی ٹیم میں محسن نقوی کوشامل کیا جاتا تو شاید یہ ملاقات ہوچکی ہوتی۔ وہ مذاکراتی ٹیبل پر بڑی لچک دکھاتے تھے۔