کوئٹہ، ٹک ٹاک بنانے پر باپ نے بیٹی کو قتل کر ڈالا
مقتولہ کو ٹک ٹاک وڈیوز بنانے کا شوق تھا، باپ کے کئی بار منع کرنے پر بھی لڑکی باز نہیں آئی جس پر طیش میں آر باپ نے فائرنگ کرکے بیٹی کو قتل کردیا، پولیس نے شک کی بنیاد پر مقتولہ کے والد، چچا اور ماموں کو حراست میں لیکر مزید تفتیش شروع کر دی
فیصل علوی
بدھ 29 جنوری 2025
11:57
(جاری ہے)
پولیس کی جانب سے اہل خانہ سے تفتیش پر بتایا گیا ہے کہ مقتولہ کو ٹک ٹاک وڈیوز بنانے کا شوق تھا۔
باپ کے کئی بار منع کرنے پر بھی لڑکی باز نہیں آئی جس پر طیش میں آر باپ نے فائرنگ کرکے بیٹی کو قتل کردیا اورموقع سے فرار ہوگیا۔پولیس کا کہنا ہے کہ والد نے سالے کے ساتھ مل کر بیٹی کو فائرنگ کر کے قتل کرنے کا اعتراف کر لیا۔ملزمان نے پہلے دعویٰ کیا تھا کہ گھر کے باہر نامعلوم افراد کی فائرنگ سے بیٹی شدید زخمی ہوئی تھی اسے ہمسائیوں کی مدد سے ہسپتال پہنچایا گیا جہاں دوران علاج وہ دم توڑ گئی۔پولیس کی ابتدائی تفتیش میں یہ بات سامنے آئی کہ مقتولہ امریکی شہریت کی حامل تھی اور چند روز قبل اپنے والدین کے ہمراہ امریکہ سے پاکستان آئی تھی۔اس حوالے سے ایس ایچ او گوالمنڈی بابر بلوچ کے مطابق ملزمان نے اعتراف جرم کرلیا ہے۔آج نیوز سے گفتگو کرتے ہوئے ایس ایچ او گوالمنڈی بابر بلوچ کا کہنا تھا کہ ملزم انوار الحق اپنے بیوی بچوں کے ہمراہ کوئٹہ سے امریکہ شفٹ ہو گیا تھا اور چند روز قبل ہی کوئٹہ واپس آیا تھا۔مقتولہ کے باپ نے اپنے سالے طیب علی کے ساتھ مل کر بیٹی کو قتل کرنے کا منصوبہ بنایا تھا، ملزم اپنی بیٹی حرا کو گھر کے باہر لے گیا اور خود گھر کے اندر آگیا، باہر لڑکی کے ماموں نے فائرنگ کرکے اسے قتل کردیا۔بعدازاں، پولیس نے لڑکی کے والد انوار الحق، ماموں اور چچا کو شک کی بنیاد پر گرفتار کیا۔ایس ایچ او گوالمنڈی بابر بلوچ کا کہنا تھا کہ تفتیش کے بعد مزید حقائق سامنے آئیں گے۔پولیس نے اس کیس کو سیریس کرائم انویسٹی گیشن ونگ کے حوالے کر دیا ہے اور مزید تحقیقات جاری ہیں۔مزید اہم خبریں
-
ایران میں نیوکلیئر معائنہ کاری کا دوبارہ آغاز اولین ترجیح، گروسی
-
جنگوں میں پھنسے بچوں کو حقوق کی سنگین خلاف ورزیوں کا سامنا، یو این
-
دنیا کے 666 ملین افراد کو اب بھی بجلی میسر نہیں، رپورٹ
-
دنیا شہریوں کو ظالمانہ جرائم سے بچانے میں ناکام، یو این اچیف
-
مسلسل کتنے دن تک بارشیں ہوں گی؟
-
ہوسکتا ہے کہ صدر ٹرمپ پاکستان کا دورہ کرنے کا فیصلہ کریں
-
عمران خان کو پتا ہے کہ طاقت کا منبہ وزیراعظم کا آفس نہیں اسٹیبلشمنٹ ہے
-
وزیراعظم کی ملک بھر میں الیکٹرک وہیکل چارجنگ اسٹیشنز قائم کرنے کا عمل تیز کرنے کی ہدایت
-
پاکستانی حاجی 5 بار دل کا دورہ پڑنے کے باوجود زندہ بچ گیا
-
خیبرپختونخواہ بجٹ کی منظوری دراصل مخالفین کی سازشوں کو ناکام بنانے کیلئے ضروری تھی
-
چین کی مرضی ہے کہ وہ امریکا سے تیل خریدے یا ایران سے خریدے
-
امریکی صدر ڈونلڈ ٹرمپ کی ایک بار پھر فیلڈ مارشل سید عاصم منیر کی تعریف
