Live Updates

اگروزیراعلی سندھ تبدیل ہوئے تو فریال تالپور وزیراعلی ہونگی،منظور وسان

2025 اہم ہے کچھ بھی ہوسکتا ہے، یہ سال الیکشن کے حوالے سے بھی اہم ہے، سینئر رہنما پیپلزپارٹی

بدھ 29 جنوری 2025 19:41

کراچی (اُردو پوائنٹ اخبارتازہ ترین - این این آئی۔ 29 جنوری2025ء)پاکستان پیپلزپارٹی کے سینئر رہنما منظور وسان نے کہا ہے کہ ہمارا وزیر اعلی لے لو اپنا دے دو یہ بیان آتے رہتے ہیں، اگر وزیر اعلی سندھ تبدیل ہوئے تو فریال تالپور وزیراعلی ہونگی۔

(جاری ہے)

میڈیا سے گفتگو میں منظور وسان نے کہا کہ 2025 اہم ہے کچھ بھی ہوسکتا ہے، یہ سال الیکشن کے حوالے سے بھی اہم ہے، پاکستان 2025 میں تبدیل ہوتے ہوئے نظر آرہا ہے۔

منظور وسان نے کہا کہ پاکستان کو کسی فنڈز کی ضرورت ہی نہیں، بانی پی ٹی آئی کا عروج 2024 کے ساتھ ختم ہوگیا ہے، یہ سال بانی پی ٹی آئی عمران خان کے لیے بھاری ہے۔انہوں نے کہا کہ 31 جنوری تک بانی پی ٹی آئی مذاکرات بڑھاتے رہیں گے، چاہے احتجاج کی جتنی کالیں دیں کوئی فرق نہیں پڑتا، 2025 میں پی ٹی آئی میں اختلافات بڑہ جائیں گے۔