پنجاب میں بادل برسانے والا سسٹم داخل ، کئی شہروں میں بارش کا امکان

اسلام آباد سمیت کئی مقامات پر بارش‘مری، گلیات ، گرد و نواح اور سندھ کے بیشتر اضلاع میں موسم خشک اور سرد رہنے کی پیشگوئی

پیر 10 فروری 2025 16:36

لاہور(اُردو پوائنٹ اخبارتازہ ترین - این این آئی۔ 10 فروری2025ء)پنجاب کے بیشتر اضلاع میں بادل برسانے والا سسٹم داخل ہو گیا ہے ، اسلام آباد سمیت کئی مقامات پر بارش کی پیشگوئی ظاہر کی گئی ہے۔

(جاری ہے)

محکمہ موسمیات کا کہنا ہے کہ شمال مغربی بلوچستان ، بالائی خیبر پختونخوا ، آزاد کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر ہلکی بارش اور برفباری کی توقع ہے۔علاوہ ازیں موسمیات نے مری، گلیات ، گرد و نواح اور سندھ کے بیشتر اضلاع میں موسم خشک اور سرد رہنے کی پیشگوئی کی ہے۔گزشتہ روز کم درجہ حرارت لہہ منفی 12، سکردو، استور، گوپس منفی 6، کالام منفی 5، ہنزہ منفی 4، بگروٹ، گلگت میں منفی 3 ڈگری سینٹی گریڈ ریکارڈ کیا گیا۔