ویلکم ٹو مریم نواز گرین پنجاب''،ملک کی پہلی مکمل الیکٹرک بس سروس کا باضابطہ آغازجمعرات سے ریلوے سٹیشن تاگرین ٹائون ہوگا

لاہور (اُردو پوائنٹ اخبارتازہ ترین - اے پی پی۔ 19 فروری2025ء) ویلکم ٹو مریم نواز شریف گرین پنجاب''،ملک کی پہلی مکمل الیکٹرک بس سروس کاباضابطہ آغاز کل جمعرات سے ریلوے سٹیشن تاگرین ٹائون آغاز ہورہا ہے۔وزیراعلی پنجاب الیکٹروبس سروس کی پہلی مسافر بنیں۔وزیراعلی مریم نواز پنجاب یونیورسٹی سٹاپ سے الیکٹرو بس پر سوار ہوئیں۔ وزیراعلی نے پہلی مکمل الیکٹرو بس سروس پر سپیشل پرسن کو خود وہیل چیئر پر الیکٹرو بس میں سواری میں مدد کی اورریمپ کو مزید بہتر بنانے کی ہدایت کی۔

وزیراعلی مریم نواز شریف نے الیکٹرو بس کے لئے خصوصی بس سٹاپ کا جائزہ لیا۔ وزیراعلی مریم نواز کی ہدایت پر بس سٹاپ پر واٹر کولر، پنکھے لگائے گئے۔الیکٹرو بس کے سٹاپ پر منی کنٹین بھی موجود ہے۔ وزیراعلی مریم نواز نے آئی بی اے بس سٹاپ پر موجود خواتین سے بات چیت کی۔

(جاری ہے)

خواتین اور طالبات نے وزیر اعلی مریم نواز کے ساتھ تصویر یں بھی بنوائیں۔

وزیراعلی نے بتایا کہ خود اصرار کرکے الیکٹرو بس کا کرایہ کم کرایا، عوام پر بوجھ برداشت نہیں۔ وزیراعلی مریم نواز الیکٹرو بس پر سوار ہوکرایکسپو سینٹر پہنچیں تو شاندار استقبال کیاگیا۔ وزیراعلی مریم نواز نے الیکٹرو بس کے پہلے فلیٹ کو روٹ کے لئے روانہ کیا، الیکٹرو بس پائلٹ پراجیکٹ کی ڈیجیٹل لانچنگ بھی کی۔تقریب میں الیکٹرو بس سروس کے بارے میں خصوصی ڈاکیومنٹری اور خصوصی نغمہ بھی پیش کیا گیا۔

صوبائی وزیر ٹرانسپورٹ بلال اکبر نے کہاکہ الیکٹرو بس سروس محض آغاز ہے، 500 مزید بسیں لائیں گے۔9 شہروں میں ہزاروں بسوں کی ضرورت ہے، جلد فیصل آباد،گوجرانوالہ میں شروع کررہے ہیں۔لاہور میں دو نئے ماس ٹرانزٹ سسٹم شروع ہوں گے۔پہلی الیکٹروبس سروس کا آغازکل جمعرات کو ریلوے سٹیشن تا گرین ٹائون ہوگا۔الیکٹرک بس روٹ حاجی کیمپ،پولیس لائن،شملہ پہاڑی،روزنامہ جنگ،مسلم لیگ ہائوس،کلب چوک،گو رنر ہائوس،باغ جناح، چڑیاگھرشامل ہے۔

چیئرنگ کراس،گنگارام ہسپتال، وارث روڈ، عابد مارکیٹ،مزنگ،شمع،اچھرہ،فاضلیہ کالونی،رحمان پورہ،اچھرہ پل،پنجاب کالج،نیو گارڈن ٹائون بھی شامل ہے۔کیمپس پل،پنجاب یونیورسٹی گیٹ نمبر 4،ہیلے کالج،آئی بی اے سٹاپ،شاہ دی کھوئی،راوی چوک،شوق چوک،اکبر چوک،ٹائون شپ بازار،موچی پورہ بھی شامل ہے۔ماڈل روڈ لنک روڈ،ہنڈا موڑ،گورنمنٹ امپلائی سوسائٹی،پنڈی سٹاپ،رفع یونیورسٹی،نرسری بس سٹاپ،ہمدرد چوک،منہاج یونیورسٹی بھی روٹ میں شامل ہے۔الیکٹرو بس سروس میں فری وائی فائی،موبائل چارجنگ،ہراسگی کے واقعات کے سدباب کیلئے سی سی ٹی کیمرے نصب ہوں گے۔