امیر مقام نے وزیراعلی علی امین گنڈا پورا کا وزیراعلی پنجاب کو مناظرے کا چیلنج قبول کرلیا

جمعہ 21 فروری 2025 21:33

اسلام آباد(اُردو پوائنٹ اخبارتازہ ترین - آن لائن۔ 21 فروری2025ء) وفاقی وزیر امور کشمیر اور پاکستان مسلم لیگ (ن) خیبرپختونخوا کے صدر انجینئر امیر مقام نے وزیراعلی علی امین گنڈا پورا کا وزیراعلی پنجاب کو مناظرے کا چیلنج قبول کرلیا ۔علی امین گنڈا پورا کسی بھی ٹی وی چینل پر آئیں اور مجھ سے مناظرہ کریں، ہم تیار ہیں ۔علی امین کو چیلنج ہے کہ وہ خیبرپختون خوا اسمبلی میں آئیں اور اپنی کارکردگی پر اپوزیشن لیڈر سے لائیو مناظرہ کریں ۔

وزیراعلی خیبرپختونخوا وقت اور تاریخ بتائیں تاکہ عوام کے سامنے سچ اور جھوٹ واضح ہوجائے ۔ہم بتائیں گے کہ مریم نوازشریف نے ایک سال میں پنجاب میں کیا کیا، پی ٹی آئی خیبرپختون خوا میں اپنی تیرہ سال کی کارکردگی بتائے ۔علی امین گنڈا پورا بتائے کہ اُن کے لیڈرکے اعلان کردہ ساڑھے تین سو ڈیمز گیارہ سال میں کیوں نہیں بن سکی علی امین گنڈا پور بتائے کہ خیبرپختون خوا کے کرپشن میں ملوث وزرا کے خلاف اب تک کیا کارروائی ہوئی کتنوں کو سزا ملی9 مئی کو ریاست، فوجی تنصیبات اور شہدا کی یادگاروں پر حملے کرانے والے ماسٹر مائنڈ کے نام پر ارباب نیاز کرکٹ سٹیڈیم پشاور کا نام نہیں رکھنے دیں گے ۔

(جاری ہے)

پاکستان کو ڈیفالٹ کرانے اور آئی ایم ایف کو معاشی مدد سے روکنے کے لئے خط لکھنے والے کے نام پر سٹیڈیم کا نام نہیں رکھنے دیں گے ۔کرکٹ میں جوا کھیلنے والے سالے کو جتوانے کے لئے ٹپس دینے والے کے نام پر کرکٹ سٹیڈیم کا نام نہیں رکھنے دیں گے ۔اسرائیل اور بھارت سے فارن فنڈنگ لینے اور پاکستان کے خلاف بیرونی ممالک سے قراردادیں منظور کرانے والے کے نام پر سٹیڈیم کا نام نہیں رکھنے دیں گے ۔190 ملین پاؤنڈ قوم کا چوری کرنے والے کے نام پر سٹیڈیم کا نام نہیں رکھنے دیں گے۔دہشت گردی اور دہشت گردوں کو واپس لانے اور یہاں بسانے والے کے نام پر سٹیڈیم کا نام نہیں رکھنے دیں گے۔