فضل الرحمن کو علی امین گنڈاپور سے کوئی مسئلہ نہیں،اسد قیصر

ہم سے بھی پشاور میں سیٹیں چھینی گئیں، جو چاہتا ہے آئے الیکشن آڈٹ کرا لے،پی ٹی آئی رہنما

جمعہ 7 مارچ 2025 22:25

اسلام آباد(اُردو پوائنٹ اخبارتازہ ترین - این این آئی۔ 07 مارچ2025ء)پی ٹی آئی سینئر رہنما اسد قیصر نے کہا ہے کہ مولانافضل الرحمن کو وزیراعلیٰ علی امین گنڈاپور سے کوئی مسئلہ نہیں ہے۔نجی ٹی وی پروگرام میں گفتگوکرتے ہوئے اسدقیصرنے کہاکہ مولانا فضل الرحمان سے اتحاد کے بارے میں ہمیں صرف بانی پی ٹی آئی سے ہدایات کا انتظار ہے۔

(جاری ہے)

انہوں نے جے یو آئی کی طرف سے خیبر پختونخوا میں الیکشن آڈٹ کے مطالبے پر کہاکہ ہم سے بھی پشاور میں سیٹیں چھینی گئیں، جو چاہتا ہے آئے اور پشاور میں الیکشن آڈٹ کرا لے۔

پی ٹی آئی رہنما نے کہا کہ جے یو آئی کے ساتھ اگلے ہفتے ملاقات ہوجائے گی، ہم قومی ایجنڈا بنارہے ہیں، جس میں تمام جماعتوں کو شامل کریں گے، جلد اس میں کامیاب ہوجائیں گے۔انہوںنے کہاکہ ٹرمپ سے پی ٹی آئی کی توقعات سے متعلق سوال پر کہا کہ ہم کسی اور کی طرف نہیں دیکھ رہے۔اسد قیصر نے وزارت داخلہ میں طلال چوہدری اور پرویز خٹک کی آمد پر کہا کہ اب ان کی آپس میں لڑائی ہوگی۔