ٴْٓڈاکٹر قادر مگسی کی وکلاے احتجاجی مارچ کی حمایت

ہفتہ 8 مارچ 2025 23:27

حیدرآباد(اُردو پوائنٹ اخبارتازہ ترین - آن لائن۔ 08 مارچ2025ء) سندھو دریا سے کینال نکال کر سندھ کو خشک کرنے کی سازش اور 26ویں آئینی ترمیم کے خلاف کراچی میں ہونے والے "وکلا کے احتجاجی مارچ" کی مکمل حمایت کرتے ہیں۔ سندھو دریا کی بقا کی جدوجہد چھ کروڑ سندھیوں کی زندگی کی جدوجہد ہے۔ اس جدوجہد کو مقدس سمجھتے ہوئے ہر طبقہ فکر کے فرد کو اپنا کردار ادا کرنے کی اشد ضرورت ہے۔

ان خیالات کا اظہار ایس ٹی پی کے چیئرمین ڈاکٹر قادر مگسی نے اپنے جاری کردہ بیان میں کیا۔ ڈاکٹر قادر مگسی نے مزید کہا کہ جس طرح وکلا نے احتجاج کیا، اسی طرح ہر سندھی کو اپنے دریا کی حفاظت کے لیے سیاسی مزاحمت کا راستہ اپنانا چاہیے۔ سندھ کے ہر علاقے میں سندھو دریا کی تحریک کو منظم اور متحرک کرنے کی ضرورت ہے۔

(جاری ہے)

ایس ٹی پی سندھو دریا بچانے کی جدوجہد میں قائدانہ کردار ادا کر رہی ہے، کیونکہ سندھو دریا سندھیوں کی زندگی کی شہ رگ ہے۔

ملک کے حکمران سندھیوں کی شہ رگ کاٹ کر ان کی نسل کشی کی کوشش کر رہے ہیں۔ انہوں نے کہا کہ جب کسی قوم کے وجود پر خطرہ منڈلاتا ہے تو باشعور قومیں اپنی بقا کے لیے آخری حد تک چلی جاتی ہیں۔ سندھو دریا کی تحریک کے لیے سندھیوں کو ہر قسم کی قربانی دینے سے گریز نہیں کرنا چاہیے۔ ملک کے اصل حکمرانوں نے فیصلہ کر لیا ہے کہ وہ چھ کروڑ سندھیوں کو بھوک، پیاس اور قحط سے موت کے گھاٹ اتاریں گے، تو ہم بھی انہیں یہ بتانا چاہتے ہیں کہ سندھیوں کی مزاحمتی تاریخ پڑھ لو، سندھی اپنے دریا کو بچانے کے لیے ہر طرح کی قربانی دینے کے لیے تیار ہیں۔

شاید اس وقت آپ کو اس بات کا احساس نہیں کہ آپ آگ سے کھیل رہے ہیں، ایسی آگ جو آپ نے جلائی ہے لیکن اس میں جلے گا آپ کا اپنا وجود۔ دوسری جانب ایس ٹی پی کے انفارمیشن سیکریٹری امتیاز سمون نے اپنے جاری کردہ بیان میں کہا ہے کہ سندھو دریا کی تحریک کے اگلے مرحلے کی منصوبہ بندی کے لیے 9مارچ کو ایس ٹی پی کی پالیسی ساز ادارہ سینٹرل کمیٹی کا اجلاس پارٹی چیئرمین ڈاکٹر قادر مگسی کی صدارت میں مگسی ہاس قاسم آباد میں طلب کیا گیا ہے۔

Facebook Twitter Google + Share on Whatsapp

ٴْٓڈاکٹر قادر مگسی کی وکلاے احتجاجی مارچ کی حمایت

متعلقہ عنوان :

مزید قومی خبریں