اسرائیل کے غزہ پر حملے مزید تیز، بمباری سے بچے سمیت 8افراد شہید

جمعرات 13 مارچ 2025 11:46

غزہ(اُردو پوائنٹ اخبارتازہ ترین - این این آئی۔ 13 مارچ2025ء)مظلوم فلسطینیوں کی مشکلات کم نہ ہوسکیں، اسرائیل نے غزہ پر حملے تیز کر دیئے، تازہ بمباری سے بچے سمیت آٹھ افراد شہید ہوگئے۔

(جاری ہے)

اسرائیلی حملوں کے باعث شہدا کی مجموعی تعداد 48ہزار 503ہوگئی،1لاکھ 11ہزار 927زخمی ہو چکے، حماس نے اسرائیل کے ساتھ مذاکرات کے نئے دور کے آغاز کا اعلان کر دیا، امریکی ایلچی سٹیو وٹکوف مذاکرات کیلئے قطر پہنچ رہے ہیں۔

اسرائیل نے لبنان سرحد کی حد بندی پر مذاکرات کا اعلان کر دیا، اسرائیل نے یرغمال بنائے گئے پانچ لبنانی شہریوں کو چھوڑ دیا، اسرائیل نے لبنان، امریکا اور فرانس کے ساتھ حد بندی کیلئے گروپس قائم کرنے پر اتفاق کر لیا۔واضح رہے کہ گزشتہ سال جنگ بندی کے معاہدے کے باوجود اسرائیل نے جنوبی لبنان سے پیچھے ہٹنے سے انکار کیا تھا۔