مشرق وسطیٰ میں خرابی حالات کی تمام تر ذمہ داری یورپی ممالک پر عائد ہوتی ہے،سنیٹر علامہ راجہ ناصر عباس جعفری

کراچی(اُردو پوائنٹ اخبارتازہ ترین - این این آئی۔ 15 مارچ2025ء)مجلس وحدت مسلمین کراچی ڈویژن کی جانب سے مقامی لان میں دعوت افطار کیا گیا گیا۔دعوت افطار ڈنر کا عشائیہ میں مختلف سیاسی و مذہبی جماعتوں کے قائدین نے شرکت کی بعد افطار ایم ڈبلیو ایم کی شہدائے راہ مقاومت کانفرنس سے خطاب کرتے ہوئے سربراہ سنیٹر علامہ راجہ ناصر عباس جعفری کا کہنا تھا کہ مشرق وسطیٰ میں خرابی حالات کی تمام تر ذمہ داری یورپی ممالک پر عائد ہوتی ہے۔

سامراجی قوتوں نے فلسطینیوں سے ان کی زمین سے بے دخل کیا یہودیوں کالونیاں بنائی گئیں۔انہوں نے کہا اسرائیل نا جائز وجود پوری دنیا کیلئے خطرہ بنتا جارہا تھا خطہ میں موجود مقاومتی قوتیوں حماس، حزب اللہ، انصار اللہ نے گریٹر اسرائیل کے منصوبے کو خاک میں ملا دیا۔

(جاری ہے)

ناقابل تسخیر اسرائیل بے ساکھیوں پر کھڑا ہے انہوں نے کہا یورپی ممالک جمہوریت کا جھوٹا جھنڈا اٹھائے ہوئے ییں طوفان اقصیٰ سے پہلے دنیا بھر غزہ بربریت کے خلاف اس طرح احتجاج نہیں ہوا آج یورپی یونیورسٹیز میں احتجاج کیا جارہا ہے۔

انہوں نے کہا غزہ فلسطین پر ہونے والے احتجاجات نے خود یورپی ممالک کی دوغلے جمہوری اصولوں چہرہ بے نقاب کر دیا۔انہوں نے کہا غزہ فلسطین کی عوام اگر اسرائیل کو تسلیم کر لیتے تو خطہ میں پھر پاکستان بھی نہیں رہتا غزہ کی جنگ مسلم امہ کی جنگ ہے۔مقاومت کے شہدائے غزہ فلسطین نہیں شہید امت ہیں۔انہوں نے کہا مشرق وسطیٰ میں اسرائیل کی شکست امریکہ و یورپی ممالک کی شکست ہے۔

اردن نے اسرائیل کے ساتھ مل کر شام کی حکومت کو ختم کیا۔مسلم حکمران اسرائیل کو اپنا خدا سمجھ رہے ہیں۔مسلم امہ کی جیت ان کا اتحاد ہے غزہ میں انسانیت کا قتل کرنے والے اسرائیل کے ساتھ چند مسلم حکمران ہیں۔بہت جلد اسرائیل کی حمایت کرنے والے شکست سے دو چار ہوں گے۔انہوں نے کہا شہدائے راہ مقاومت کو سلام عقیدت پیش کرتے ہیں۔ملک میں اسرائیلی مصنوعات کا بائیکاٹ کیا جائے۔

جمعتہ الوداع آنے والے یوم القدس کو ملکی عوام دنیا بھر کیلئے مثالی بنائیں۔۔کانفرنس سے نائب امیر جماعت اسلامی کراچی مسلم پرویز کا کہنا تھا کہ دو عرب مسلمان آپس میں تقسیم ہیں۔دو فیصد یہودیوں نے پوری دنیا پر سامراجیت قائم رکھی ہے۔مشرق وسطیٰ جل رہا ہے۔فلسطین میں یورپی ممالک انسانیت کا قتل کر رہے ہیں۔انہون نے کہا آیت اللہ جامنہ ای عالم اسلام کے ہیرو ہیں۔

مقاومت کی راہ میں شہدائے راہ مقاومت یحیٰ سنوار، سید حسن نصراللہ،ہاشم صفی الدین،اسماعیل ہانیہ نے اپنی عظیم قربانیاں دیں ان کو فراموش نہیں کیا جاسکتا۔کانفرنس ایم کیوایم رہنما ممبر صوبائی اسمبلی عادل عسکری سمیت دیگر سیاسی و مذہبی جماعتوں کے رہنماوں نے خطاب کیا۔.ایم ڈبلیو ایم کی دعوت افطار میں شیعہ علماء کونسل کے رہنما علامہ ناظر عباس تقوی،پاکستان عوامی تحریک کے رہنما ظفر اقبال،مرکزی مسلم لیگ کے رہنما ثقلین ارشاد،پشتونخواملی عوامی پارٹی کے رہنما سرباز عبدالرب درانی، جمعیت اہلحدیث کے رہنماعلامہ مفتی داود،اہلحدیث رابطہ کونسل کے رہنما علامہ مرتضیٰ رحمانی،شیعہ جماعتوں جعفریہ الائنس، جعفریہ آرگنائزیشن، مرکزی تنظیم عزاداری، تنظیم عزا، علی کونسل، آئی ایس او،ہیت آئمہ و علماء مساجد، مجلس زاکرین امامیہ کے رہنما موجود تھے۔