وزیراعلیٰ مریم نواز کے ویژن کے تحت سرگودھا میں بے کس خواتین پر تشدد میں ملوث بس ڈرائیو اور کنڈیکٹرگرفتار

بدھ 19 مارچ 2025 23:18

لاہور (اُردو پوائنٹ اخبارتازہ ترین - آن لائن۔ 19 مارچ2025ء) خواتین اور بچے ریڈ لائن، وزیراعلیٰ پنجاب مریم نوازشریف کے ویژن کے تحت سرگودھا میں بے کس خواتین پر تشدد میں ملوث بس ڈرائیو اور کنڈیکٹر کوگرفتارکر لیا گیا۔ جھارویاں کے دیہی علاقے میں بس ڈرائیور اور کنڈیکٹرنے کرایہ کے تنازع پر خواتین سے جھگڑا کیا ۔بس ڈرائیور شوکت اور کنڈیکٹر شمشیر نے خواتین کو وحشیانہ تشدد کا نشانہ بنایا تھا۔

سوشل میڈیا پر وائرل ہونے والی ویڈیو میں بے بس خواتین روتے ہوئے مدد کی درخواست کرتی نظر آتی ہیں ۔

(جاری ہے)

وزیر اعلیٰ مریم نواز کے ویژن کے تحت ڈی پی او سرگودھا محمد صہیب اشرف کی نگرانی میں جھاوریاں پولیس نے فوری کارروائی کرتے ہوئے مبینہ تشدد میں ملوث بس ڈرائیور اور بس کنڈیکٹر کوگرفتار کر لیا گیا ہے۔ ڈی پی او سرگودھا کی نگرانی میںملزمان کے خلاف قانونی کارروائی کا آغازکر دیا گیا ہے ۔

وزیراعلیٰ مریم نوازشریف کا کہنا ہے کہ خواتین اور بچے ریڈ لائن ہیں، کسی سطح پر کسی قسم کا تشدد قابل برداشت نہیں۔بسوں میں سفر کرنے والی خواتین کی حفاظت اور احترام ہر صورت یقینی بنایا جائے گا۔ وزیراعلیٰ مریم نوازشریف نے کہا کہ مریم نوازشریف دیہی خواتین کے لئے مخصوص بس سروس کے اجراء کے لئے اقدامات کیے جارہے ہیں۔