گورنرسندھ کی خداداد کالونی، شاہراہ قائدین آمد

علاقہ مکینوں کا فقیدل مثال استقبال، پھولوں کی پتیاں نچھاور کیں اور آتش بازی کا شاندار مظاہرہ کیا

جمعہ 21 مارچ 2025 18:17

گورنرسندھ کی خداداد کالونی، شاہراہ قائدین آمد

کراچی(اُردو پوائنٹ اخبارتازہ ترین - این این آئی۔ 21 مارچ2025ء) گورنرسندھ کامران خان ٹیسوری خداداد کالونی، شاہراہ قائدین پہنچے تو علاقہ مکینوں نے ان کا فقیدل مثال استقبال کیا ، پھولوں کی پتیاں نچھاور کیں اور آتش بازی کا شاندار مظاہرہ کیا، گورنر سندھ علاقہ مکینوں میں گھل مل گئے ، لوگوں نے سیلفیاں بھی بنوائیں ، گورنرسندھ نے لائنز ایریا کے مکینوں کے ہمراہ 20ویں سحری بھی کی ۔

گورنر سندھ کامران خان ٹیسوری میڈیا سے گفتگو کرتے ہوئے کہا کہ وہ روزانہ کسی نہ کسی ٹاؤن کے مہمان بنتے ہیں، اور آج لائنز ایریا کے مکینوں نے مجھ پر اپنے دل نچھا ور کردئے ، لوگوں کی محبت مجھے ان کے قریب رہنے پر مجبور کرتی ہے ۔ گورنر سندھ نے کہا کہ علاقہ مکینوں کے مسائل سے آگاہ ہوں اور اس کے لئے آواز بلند کرتا رہوں گا ، وفاق، کراچی کی ترقی کے لئے جلد فنڈز جاری کرے گا ، خوشحالی کا سفر بہت قریب ہے ، پاکستان جلد اپنے پیروں پر کھڑا ہوگا ۔

(جاری ہے)

انہوں نے کہا کہ ہم نے عوام کے لیے کام کرنا ہے، صوبے کی ترقی کے لیے کام کرنا ہے، اور بجلی، پانی، گیس اور روزگار کے مسائل حل کرنا ہیں۔ گورنر سندھ نے کہا کہ یہ ملک ہم نے بنایا ہے اور اسے بچانے کی ذمہ داری بھی ہماری ہے۔ جو لوگ ہمیں توڑنے کی کوشش کر رہے ہیں، وہ ہماری کمزوری کا فائدہ اٹھا رہے ہیں۔ گورنر سندھ نے کہا کہ کراچی کے عوام کے لیے گورنر ہاؤس کے دروازے کھلے ہیں، جہاں ہر طبقہ سے تعلق رکھنے والے لوگ ایک ساتھ بیٹھ کر اتحاد رمضان کے تحت منعقدہ افطار ڈنر کرتے ہیں۔

انہوں نے نوجوانوں اور عوام کو مخاطب کرتے ہوئے کہا کہ میرے نوجوانوں اور بزرگوں کو اختیار دیتا ہوں کہ اگر ان کو کوئی ناجائز تنگ کرئے تو وہ کہیں کہ میرا بھائی گورنر ہے۔ جب تم بولو گے تو سامنے والاندونبارنسوچینگا