بلاول بھٹو زرداری کا آرمی چیف جنرل سید عاصم منیر سے اظہار تعزیت

منگل 25 مارچ 2025 17:38

اسلام آباد (اُردو پوائنٹ اخبارتازہ ترین - اے پی پی۔ 25 مارچ2025ء) پاکستان پیپلز پارٹی کے چیئرمین بلاول بھٹو زرداری نے چیف آف آرمی سٹاف جنرل سید عاصم منیر کی والدہ محترمہ کے انتقال پر گہرے دکھ اور افسوس کا اظہار کیا ہے۔

(جاری ہے)

منگل کواپنے تعزیتی پیغام میں چیئرمین بلاول بھٹو زرداری نے کہا کہ ماں کا سایہ اٹھ جانا زندگی کا سب سے بڑا صدمہ ہوتا ہے۔ انہوں نے جنرل عاصم منیر اور ان کے اہلخانہ سے دلی ہمدردی کا اظہار کرتے ہوئے دعا کی کہ اللہ تعالیٰ انہیں یہ صدمہ صبر و حوصلے کے ساتھ برداشت کرنے کی توفیق دے۔چیئرمین پیپلز پارٹی نے مرحومہ کے بلندی درجات اور پسماندگان کے لئے صبر جمیل کی دعا بھی کی۔