غ*دورہ امریکا میں ٹرمپ انتظامیہ سے جامع ملاقاتیں ہوئیں، معاون خصوصی خارجہ امور

۵ٹرمپ انتظامیہ کے ساتھ ملاقاتیں دوستانہ رہیں، خطے میں مشکل حالات میں پاک امریکا تعاون بامعنی رہا،طارق فاطمی

اتوار 30 مارچ 2025 18:15

اسلام آباد(اُردو پوائنٹ اخبارتازہ ترین - آن لائن۔ 30 مارچ2025ء)وزیراعظم کے معاون خصوصی برائے خارجہ امور طارق فاطمی نے آگاہ کیا ہے کہ دورہ امریکا میں ٹرمپ انتظامیہ سے جامع ملاقاتیں ہوئیں۔نجی ٹی وی چینل کو انٹرویو میں طارق فاطمی نے بتایا کہ ٹرمپ انتظامیہ کے ساتھ ملاقاتیں دوستانہ رہیں، خطے میں مشکل حالات میں پاک امریکا تعاون بامعنی رہا۔

(جاری ہے)

انہوں نے کہا کہ دہشت گردی کے خلاف امریکی صدر کے اہم بیانات سامنے آچکے ہیں، امریکا کو واضح کردیا کہ دہشت گردی ہرگز برداشت نہیں کریں گے، حال ہی میں پاکستان نے امریکا کو مطلوب اہم دہشت گرد پکڑ کر دیا۔معاون خصوصی طارق فاطمی نے کہاکہ دہشت گرد امریکا کے حوالے کرنے کے پاکستانی اقدام کو امریکی صدر نے سراہا، وزیراعظم شہباز شریف چاہتے ہیں کہ ہمسایہ ملکوں کے ساتھ بہترین معاشی تعاون ہو۔وزیراعظم کے معاون خصوصی نے کہا کہ ا?ئندہ 3 سے 6 ماہ کے دوران پاکستان میں بڑی سرمایہ کاری آنے کا امکان ہے۔