وزیراعظم محمد شہباز شریف کا چوہدری انوار الحق ، گورنر پنجاب اور گورنر گلگت بلتستان سے ٹیلیفونک رابطہ، عید کی مبارکباد دی

بدھ 2 اپریل 2025 10:20

اسلام آباد (اُردو پوائنٹ اخبارتازہ ترین - اے پی پی۔ 02 اپریل2025ء) وزیراعظم محمد شہباز شریف نے عیدالفطر کے موقع پر وزیر اعظم آزاد جموں و کشمیر چوہدری انوار الحق ، گورنر پنجاب سردار سلیم حیدر خان اور گورنر گلگت بلتستان سید مہدی شاہ سے ٹیلیفونک رابطہ کر کے عیدالفطر کی مبارکباد دی۔

(جاری ہے)

وزیراعظم آفس پریس ونگ سے جاری اعلامیہ کے مطابق وزیراعظم نے ان رہنماؤں کے لئے نیک خواہشات کا اظہار کیا ۔ وزیراعظم آزاد جموں و کشمیر ، گورنر پنجاب اور گورنر گلگت بلتستان نے بھی وزیراعظم کو عیدالفطر کی مبارکباد اور نیک خواہشات کا اظہار بھی کیا۔ وزیراعظم محمد شہباز شریف نے ملک کی ترقی و خوشحالی کے لئے دعا کی اور عوام کی فلاح و بہبود کے لئے مل کر کام کرنے کے عزم کا اظہار بھی کیا۔