ملک بھر کی طرح کراچی میں بھی عید الفطر انتہائی مذہبی جوش وجذبے اور عقیدت و احترام کے ساتھ منائی گئی

نماز عید کے روح پرور اجتماعات میں امت مسلمہ اور ملک اور قوم کی سلامتی، ترقی اور خوشحالی کیلئے خصوصی دعائیں مانگی گئیں

بدھ 2 اپریل 2025 21:10

کراچی (اُردو پوائنٹ اخبارتازہ ترین - این این آئی۔ 02 اپریل2025ء)ملک بھر کی طرح کراچی میں بھی عید الفطر انتہائی مذہبی جوش وجذبے اور عقیدت و احترام کے ساتھ منائی گئی ۔نماز عید کے روح پرور اجتماعات میں امت مسلمہ اور ملک اور قوم کی سلامتی، ترقی اور خوشحالی کیلئے خصوصی دعائیں مانگی گئیں ۔کراچی کے پولو گرانڈ میں نماز عید کا مرکزی اجتماع ہواجسمیں میئر کراچی سمیت اہم حکومتی اور دیگرشخصیات شریک ہوئیں۔

گورنر سندھ کامران ٹیسوری نے نماز عید گورنر ہاس میں ادا کی ۔۔نماز عید کی ادائیگی کے بعد کے بعد لوگوں ایک دوسرے عید ملے اور مبارکباد دی۔نماز عید کی ادائیگی کے بعد بیشتر شہری قبرستانوں کا رخ کیا۔اپنے مرحومین کی قبروں پر فاتحہ خوانی کی ۔نماز عید کے بڑے اجتماعات نیومیمن مسجد بولٹن مارکیٹ، جامع مسجد آرام باغ، جناح مسجد برنس روڈ، گلزار حبیب سولجربازار، فیضان مدینہ سبزی منڈی، تھانوی مسجد جیکب لائن، میمن مسجد مصلح الدین گارڈن، جامع مسجد امجدیہ عالمگیر روڈ، ایکسپو سینٹر، خالقدینا ہال، رحمانیہ مسجد طارق روڈ، مسجد بیت المکرم گلشن اقبال، جامعہ مسجد بنوری ٹاون، دارالعلوم کراچی، جامعی اسلامیہ کلفٹن، مسجد ابو بکر کلفٹن، سبیل والی مسجد سلطان مسجد ڈیفنس، مدنی مسجد عزیزآباد، فاروق اعظم مسجد نارتھ ناظم آباد، طوبی مسجد ڈیفنس، جامع مسجد کنزالایمان گرومندر، عالمگیر مسجد، جامع مسجد طیبہ، سفید مسجد،جامع مسجد رحمت اللہ والا ٹاون، جامع مسجد طیبہ پی ای سی ایچ ایس، رحمانیہ مسجد طارق روڈ، جامع مسجد مکرانی، جامع مسجد کھتری، کھتری مسجد، فاران مسجد سمیت دیگرمساجد اور امام بارگاہوں میں ہوئے عید کے ایام میں گھروں میں دعوتوں کا اہتمام کیا گیا۔

(جاری ہے)